लातूर ब्रेकिंग न्यूज. विलासरावांच्या आठवणी लातूरमधून पुसल्या जातील. भाजपा प्रदेशाध्यक्षांचं काँग्रेसला थेट चॅलेंज. नव्या वादाला तोंड. लातूर महानगरपालिकेच्या निवडणुकीचा रणसंग्राम आता अधिकच तापू लागला आहे. प्रचाराच्या धामधुमीत राजकीय आरोप-प्रत्यारोपांच्या फैरी झाडल्या जात असतानाच, भाजप प्रदेशाध्यक्ष रविंद्र चव्हाण यांनी दिवंगत मुख्यमंत्री विलासराव देशमुख यांच्याबद्दल केलेल्या एका वक्तव्याने जिल्ह्याच्या राजकारणात खळबळ उडवून दिली आहे. विलासरावांच्या आठवणी या शहरातून पुसल्या जातील असे वक्तव्य चव्हाण यांनी केल्यामुळे नवा राजकीय वाद निर्माण झाला आहे. त्यांच्या या वक्तव्यानंतर काँग्रेस आणि भाजपमधील संघर्ष आता टोकाला जाण्याची शक्यता निर्माण झाली आहे.