कल्याणमें मोदी सरकारविरोधात काँग्रेसचे तीव्र आंदोलन मोदींनी राजीनामा द्यावा अशा घोषणा भेत आंदोलन पोलिसांचा सौम्य लाठीचार्ज कांग्रेस कडून मोदी एपस्टीन भाई-भाई अशा आशय झळकले पोस्टर ANC- कल्याणात मोदी सरकारच्या कथित अपयशांविरोधात तसेच जेफ्री एपस्टीन फाईल प्रकरणातील गंभीर सत्य दडपल्याच्या आरोपावरून काँग्रेसने कल्याणमध्ये आक्रमक भूमिका घेत जोरदार आंदोलन केले. छत्रपती शिवाजी महाराज चौकात काँग्रेसकडून आंदोलनाला सुरुवात झाली तर काही वेळ रस्त्या मध्ये बसून आंदोलन केल्याने ट्राफिक जाम देखील झाले होते. आंदोलनाच्या पार्श्वभूमीवर परिसरात मोठ्या प्रमाणात पोलीस बंदोबस्त तैनात करण्यात आला होता. शिवाजी महाराज चौकातून कल्याण भाजप कार्यालयाच्या दिशेने काँग्रेसचा मोर्चा काढण्यात येणार होता मात्र पोलिसांनी मध्येच आंदोलकांना अडवले यावेळी काँग्रेस कार्यकर्त्यांनी मोदी सरकारविरोधात जोरदार घोषणा दिल्या. आंदोलन अधिक लक्षवेधी ठरावे यासाठी काँग्रेसकडून प्रतीकात्मक गोरिला व तात्या विंचू आणण्यात आले. तसेच पंतप्रधान नरेंद्र मोदी आणि जेफ्री एपस्टीन यांचे फोटो एकत्र असलेले पोस्टर्स झळकावण्यात आले. मोदी एपस्टीन भाई-भाई असा आशय असलेले पोस्टर यावेळी चर्चेचा विषय ठरले.मोर्चादरम्यान वातावरण तापले असता पोलिसांनी कायदा व सुव्यवस्था राखण्यासाठी काँग्रेस कार्यकर्त्यांची धरपकड केली यावेळी आंदोलन कर्त्यांनवर सौम्य लाटीचार्ज करण्यात आला.