भरधाव कंटेनरची तीन गाड्यांना धडक; दोन जखमी, महामार्गावर वाहतूक कोंडी\n\nमुंबई–गोवा महामार्गावर भोस्ते घाटाच्या पायथ्याशी वेरळ गावाजवळ मंगळवारी सायंकाळी सव्वा सहाच्या sुमारास भीषण अपघात घडला. गोव्याहून मुंबईच्या दिशेने जाणाऱ्या भरधाव कंटेनरने समोर निघालेल्या व येणाऱ्या अशा तीन चारचाकी वाहनांना आणि एका दुचाकीला जोरदार धडक दिली. या अपघातात महिंद्रा पिकअप, टाटा नेक्सॉन, स्विफ्ट डिझायर आणि एका दुचाकीचा समावेश होता. या अपघातात तिन्ही चारचाकी गाड्यांचे मोठ्या प्रमाणात नुकसान झाले असून स्विफ्ट डिझायर कारमधून प्रवास करणारे दोघेजण जखमी झाल्याची माहिती समोर येत आहे.