बीड के पांगरी गाँव में आरक्षण के लिए युवक की आत्महत्या, इलाके में तनाव

बीड जिल्ह्यातील गेवराई तालुक्यातील पांगरी गावात बंजारा समाजातील तरुणाने आरक्षणाच्या मागणीसाठी आत्महत्या केल्याची धक्कादायक घटना घडली आहे. प्रवीण बाबुराव जाधव असे आत्महत्या केलेल्या तरुणाचे नाव आहे. बंजारा समाजाला अनुसूचित जमाती (एसटी) प्रवर्गात आरक्षण मिळावे, या मागणीसाठी प्रवीण जाधव काही काळापासून सक्रिय होता. मात्र, या मागणीवर शासनाने कोणतीही ठोस भूमिका घेत नसल्याने तो मानसिक तणावात होता. अखेर आज मंगळवारी सकाळी 11 वाजेच्या सुमारास त्याने शेतातील झाडाला गळफास घेऊन जीवन संपवले. आत्महत्या करण्यापूर्वी प्रवीणने एक व्हिडिओ रेकॉर्ड केला होता. त्या व्हिडिओत त्याने आपल्या आत्महत्येला सरकार जबाबदार असल्याचे म्हटले आहे. घटनेची माहिती मिळताच गेवराई पोलिसांनी घटनास्थळी धाव घेऊन पंचनामा केला आणि प्रवीणचा मृतदेह शवविच्छेदनासाठी ग्रामीण रुग्णालयात हलवण्यातखा आहे. या घटनेनंतर परिसरात एकच खळबळ उडाली असून बंजारा समाजात तणावाचे वातावरण आहे.