ਪਿੰਡ ਕਲੋਲੀ ਚ ਡਾ ਭੀਮ ਰਾਓ ਅੰਬੇਦਕਰ ਬੁੱਤ ਵਿਵਾਦ : ਪਿੰਡ ਦੇ ਸਰਪੰਚ ਨੇ ਕਿਹਾ ਕਿ ਜ਼ਮੀਨ ਪੈਮਾਇਸ਼ ਤੋਂ ਬਾਅਦ ਪੰਚਾਇਤੀ ਜਮੀਨ ਚ ਲਗਾਈ ਗਈ ਸੀ ਡਾਕਟਰ ਭੀਮ ਰਾਓ ਅੰਬੇਦਕਰ ਦੀ ਮੂਰਤੀ ਕੁਲਦੀਪ ਸਿੰਘ - ਬਣੂੜ ਨੇੜਲੇ ਪਿੰਡ ਕਲੋਲੀ ਦੇ ਵਿੱਚ ਸਥਾਪਿਤ ਕੀਤੀ ਗਈ ਡਾਕਟਰ ਭੀਮ ਰਾਓ ਅੰਬੇਦਕਰ ਮੂਰਤੀ ਵਿਵਾਦ ਥਮਣ ਦਾ ਨਾਮ ਨਹੀਂ ਲੈ ਰਿਹਾ। ਪਿੰਡ ਦੇ ਸਰਪੰਚ ਨੇ ਕਿਹਾ ਕਿ ਬਕਾਇਦਾ ਜਮੀਨ ਦੀ ਪੈਮਾਇਸ਼ ਕਰਵਾਏ ਜਾਣ ਤੋਂ ਬਾਅਦ ਪੰਚਾਇਤੀ ਜਮੀਨ ਦੇ ਵਿੱਚ ਡਾਕਟਰ ਭੀਮ ਰਾਓ ਅੰਬੇਦਕਰ ਸਾਹਿਬ ਦੀ ਮੂਰਤੀ ਸਥਾਪਿਤ ਕੀਤੀ ਗਈ ਸੀ ਕਿਉਂਕਿ ਪੰਚਾਇਤੀ ਜਮੀਨ ਦੀ ਜਗ੍ਹਾ ਉੱਤੇ ਪਿੰਡ ਵਾਸੀਆਂ ਵੱਲੋਂ ਪਾਰਕ ਬਣਾਏ ਜਾਣ ਦੀ ਮੰਗ ਕੀਤੀ ਜਾ ਰਹੀ ਸੀ ਤੇ ਇਸੇ ਤਹਿਤ ਮੂਰਤੀ ਸਥਾਪਿਤ ਕੀਤੀ ਗਈ ਸੀ। ਉੱਥੇ ਦੂਜੇ ਪਾਸੇ ਮੂਰਤੀ ਸਥਾਪਿਤ ਹੋਣ ਤੋਂ ਪਹਿਲਾਂ ਬਕਾਇਦਾ ਬੁੱਟੇ ਵੀ ਲਗਾਏ ਗਏ ਸਨ। ਪਰ ਅਸਮਾਜਿਕ ਤਤਵਾਂ ਵੱਲੋਂ ਮਾਹੌਲ ਨੂੰ ਖਰਾਬ ਕੀਤੇ ਜਾਣ ਦੀ ਮਨਸ਼ਾ ਨਾਲ ਮੂਰਤੀ ਦਾ ਨਿਰਾਦਰ ਕੀਤਾ ਗਿਆ। ਸਮੁੱਚੇ ਮਾਮਲੇ ਨੂੰ ਹਲਕਾ ਵਿਧਾਇਕ ਦੇ ਧਿਆਨ ਦੇ ਵਿੱਚ ਲਿਆਂਦਾ ਗਿਆ ਹੈ। ਪਿੰਡ ਵਾਸੀਆਂ ਨੂੰ ਜਾਣਕਾਰੀ ਦਿੰਦਾ ਕਿਹਾ ਕਿ ਮੂਰਤੀ ਦੇ ਕੋਲ ਲਗਾਏ ਗਏ ਬੂਟਿਆਂ ਨੂੰ ਵੀ ਕਥਿਤ ਤੌਰ ਤੇ ਪੁੱਟ ਦਿੱਤਾ ਗਿਆ। ਦੱਸ ਦਈਏ ਕਿ ਡਾਕਟਰ ਭੀਮ ਰਾਓ ਅੰਬੇਦਕਰ ਸਾਹਿਬ ਦੀ ਮੂਰਤੀ ਦਾ ਅਪਮਾਨ ਕਿੱਤੇ ਜਾਣ ਦੇ ਮਾਮਲੇ ਦਿਵੂੰ ਵਿੱਚ ਬਹੁਜਨ ਸਮਾਜ ਪਾਰਟੀ ਵੱਲੋਂ ਪ੍ਰਸ਼ਾਸਨ ਨੂੰ 15 ਜਨਵਰੀ ਤੱਕ ਦਾ ਅਲਟੀਮੇਟਮ ਦਿੱਤਾ ਗਿਆ ਹੈ।