जालना | दीपावली सणानिमित्त अन्न आणि औषध प्रशासनाची विशेष तपासणी मोहीम सुरु भेसळयुक्त पदार्थांची विक्री करणाऱ्यावर कायदेशिर कार्यवाही होणार अँकर | सणासुदीच्या काळात अन्नपदार्थांमधील संभाव्य भेसळ रोखण्यासाठी अन्न आणि औषध प्रशासनाच्या वतीने जालना जिल्ह्यात विशेष मोहीम राबवण्यात येत आहे. या विशेष तपासणी मोहिमेअंतर्गत जालना शहरासह जिल्ह्यातील खाद्यपदार्थ उत्पादक, घाऊक विक्रेते, वितरक, मिठाई उत्पादक आणि विक्रेते यासारख्या आस्थापनांच्या तपासण्या करुन एकूण 41 अन्न नमुने तपासणीसाठी घेण्यात आले आहेत. या नमुन्यामध्ये दूध, खवा, पनीर, तूप, खाद्यतेल, मिठाई आणि सुकामेवा आदी अन्नपदार्थांचे नमुने घेण्यात आले आहेत. त्याचप्रमाणे कमी दर्जाचे असल्याच्या संशयावरुन खाद्यतेलाचा 13 हजार 899 किलोग्रॅम एकूण 21 लाख 27 हजार 742 रुपये किंमतीचा साठा नमुने विश्लेषणाकरीता घेऊन जप्त करण्यात आला आहे. या नमुन्यांचा विश्लेषण अहवाल प्राप्त होताच अन्न सुरक्षा तसेच मानके कायद्यानुसार पुढील कार्यवाही करण्यात येईल असं अन्न आणिऔषध प्रशासनाकडून कळविण्यात आले आहे. ही तपासणी मोहिम दिवाळीपर्यंत राबविण्यात येणार आहे.