એન્કર- ઔદ્યોગિક નગરી વાપીમાં એક ક્રેડિટ કો-ઓપરેટીવ સોસાયટીએ લોકો ને મોટું વળતર આપવાની લાલચ આપી કરોડો રૂપિયા નું રોકાણ કરાવી અને કરોડો રૂપિયા નું કૌભાંડ આચર્યું હોવાનું બહાર આવ્યું હતું..આં ક્રેડિટ સોસાયટીના સંચાલકો ઓફિસ ને તાળા મારી એક વર્ષથી ફરાર થઈ ગયા છે. આથી હજારો રોકાણકારો ના કરોડો રૂપિયાની ઠગાઈ આચરવામાં આવી હતી.. આથી આ કંપનીમાં રોકાણ કરનાર રોકાણકારોના તો નાણા ફસાયા છે પરંતુ કંપની સંચાલકો ફરાર થઈ જતા હવે રોકાણકારો દ્વારા આ કંપનીના એજન્ટો પણ તવાઈ બોલાવવામાં આવી રહી છે. કઈ છે આ ઠગ ક્રેડિટ સોસાયટી અને કેવી રીતે લોકો પાસેથી ઉઘરાણું કર્યું છે ..??જોઈએ આ અહેવાલ.. વી ઓ:1 ચિટ ફંડ કંપની કે ક્રેડિટ કો-ઓપરેટીવ સોસાયટીઓના નામે ઓફિસો ખોલી અનેક ગણું વળતર આપવાની લાલચે જરૂરિયાતમંદ લોકો પાસેથી કરોડો કરોડો રૂપિયાનું ઉઘરાણું કરી રાતો રાત ફરાર થઈ જવાના અનેક કૌભાંડો બહાર આવે છે. ત્યારે આ કૌભાંડોમાં વધુ એક કૌભાંડ બહાર આવ્યું છે. આ વખતે રાજ્યના છેવાડે આવેલા વલસાડ અને વાપી સહિત સમગ્ર દક્ષિણ ગુજરાતમાં અનેક જગ્યાએ ક્રેડિટ કો ઓપરેટિવ સોસાયટીના નામે ઓફિસ ખોલી હજારો લોકો પાસેથી કરોડો રૂપિયા નું ઉઘરાણું કર્યું હતું .વાપીમાં નેશનલ હાઈવે પર શ્રી સારણેશ્વર ક્રેડિટ કો ઓપરેટિવ સોસાયટીના નામે 10 વર્ષથી એક ઓફિસ ખુલી હતી. જે બેંકની જેમ જ ચાલતી હતી. આમાં રોકાણ કરતા રોકાણકારોને આ ક્રેડિટ સોસાયટી સરકાર માન્ય હોવાથી અને સરકારના કોઈ વિભાગ સાથે જોડાયેલું હોવાનું બહાનું બતાવી મહિને અને વર્ષે અનેક ગણું વળતર આપવાની લાલચ આપી ને રોકાણ કરાવવામાં આવતું હતું .જે રીતે સરકાર અને અન્ય મોટી બેંકો દ્વારા વિવિધ સ્કીમો ચલાવવામાં આવે છે. એવી જ સ્કીમો ના બહાના હેઠળ લોકોને રોકાણ કરાવવામાં આવતું હતું. અને મેચ્યોરિટીના અંતે અનેક ઘણું વળતર આપવાની લાલચ પણ આપવામાં આવતી હતી. આથી ઔદ્યોગિક નગરી વાપી અને આસપાસના વિસ્તારના હજારો લોકોએ શ્રી સારણેશ્વર ક્રેડિટ કો ઓપરેટિવ સોસાયટીમાં પોતાના પરસેવાની કમાણી નું રોકાણ કર્યું હતું.જોકે એક વર્ષ થી શટર ડાઉન કરી સોસાયટીના સંચાલકો રાતોરાત ફરાર થઈ ગયા હતા. આથી અસંખ્ય રોકાણકારો ના કરોડ રૂપિયા આમાં ડૂબ્યા છે .. આ મામલે વાપી ટાઉન પોલીસ સ્ટેશનમાં આ કંપનીના સંચાલકો સહિત 13 થી વધુ આરોપીઓ સામે ફરિયાદ નોંધી પોલીસ તપાસ કરી રહી છે. બાઈટ:1 બી એન દવે ડીવાયએસપી ,વાપી વી ઓ: 2 શ્રી સારણેશ્વર ક્રેડિટ કો-ઓપરેટીવ સોસાયટીના નામે વાપી સહિત વલસાડ જિલ્લાના અનેક વિસ્તારોમાં છેલ્લા 10 વર્ષથી ઓફિસો ખોલવામાં આવી હતી .જેમાં અનેક એજન્ટો પણ કામ કરતા હતા. તેમને પણ અનેક ગણું કમિશનનું વળતર આપવાની લાલચ આપવામાં આવી હતી .આથી હજારો લોકોએ આમાં લોભામણી સ્કીમોમાં રોકાણ કર્યું હતું .પરંતુ ઓફિસ પર રાતોરાત ખંભાતી તાળા લાગી ગયા હોવાથી હજારો રોકાણકારોના પરસેવાની કમાણી આમાં ડૂબી છે. સંચાલકો નો કોઈ સંપર્ક નહી થઈ રહ્યો હોવાથી રોકાણકારો હવે એજન્ટો પાસે ઉઘરાણી કરી રહ્યા છે. અને પોતાના પૈસા કઢાવવા કેટલાક રોકાણકારો એજન્ટોને ધાક ધમકી અને હેરાન પરેશાન કરતા હોવાના એજન્ટો આક્ષેપ કરી રહ્યા છે. બાઈટ- ઈન્દુલાલ પંચાલ , રોકાણકાર બાઈટ-રમેશ યાદવ , એજન્ટ વી.ઓ-3 ક્રેડિટ કો સોસાયટી ને હવે રાતોરાત તાળા વાગી જતા નાના રોકાણકારોના લાખો રૂપિયા ડૂબી ગયા છે જોકે જે રોકાણકારોએ વિશ્વાસ રાખીને એજન્ટોને પોતાની મરણ મૂડી આપી હતી તે રોકાણકારો હવે આ એજન્ટોનું ગળું પકડી રહ્યા છે..રોકાણકારો તરફથી દબાણ વધતાં હવે આ એજન્ટોએ પણ પોલીસનું શરણ લીધું છે. અને રોકાણકારો દ્વારા થયેલી હેરાનગતિ મામલે પોલીસને પણ રજૂઆત કરી રહ્યા છે.. કેટલાક એજન્ટોએ પોતાના સગા સંબંધીઓના પણ પૈસા નું મોટો રોકાણ કર્યું હતું આથી સંબંધીઓના પૈસાની ડૂબી જતા હવે એજન્ટોના સામાજિક સંબંધમાં પણ બગડી રહ્યા છે.. તો હજારો રોકાણકારો ના કરોડો રૂપિયા લઈ અને રફુચક્કર થઈ ગયેલા કંપની સંચાલકોને શોધવા પોલીસે પ્રયાસો હાથ ધર્યા છે બાઈટ: અરુણ કુમાર એજન્ટ, સારણેશ્વર ક્રેડિટ કો-ઓપરેટીવ સોસાયટી બાઈટ- મોહમ્મદ અન્સારી, એજન્ટ વિઓ-4 ડિસેમ્બર 2024 થી રોકાણકારો ક્રેડિટ સોસાયટીના ધર્મ ધક્કા ખાઈ રહ્યા છે પરંતુ નથી તેમને વ્યાજ મળ્યું કે નથી તેમની મૂડી.જોકે હવે રહી રહીને વાપી ટાઉન પોલીસ સ્ટેશનમાં આ મામલે ફરિયાદ નોંધાય છે વાપી પોલીસે આ મહા કૌભાંડની તપાસ શરૂ કરી છે ત્યારે અનેક ચોંકાવનારા ખુલાસા થયા છે સમગ્ર દક્ષિણ ગુજરાતની સાથે અન્ય રાજ્યમાં પણ આ સોસાયટી દ્વારા કરોડ રૂપિયાનું કૌભાંડ કરી ભૂગર્ભમાં ઉતરી ગયા છે. બાઈટ:2 બી એન દવે ડીવાયએસપી વાપી વી ઓ:5 એક વર્ષ થી સારણેશ્વર ક્રેડિટ કો-ઓપરેટીવ સોસાયટીની ઓફિસે તાળા લાગેલા છે .આથી રોજ અનેક રોકાણકારો એજન્ટોના ઘરે પોલીસ સ્ટેશન અને અન્ય વિભાગોમાં ઓફિસે ધક્કા ખાઈ રહ્યા છે. પરંતુ તેમને કોઈ સંચાલકોનો કોઈ સંપર્ક નથી થઈ રહ્યો. ત્યારે આ કૌભાંડમાં જોડાયેલા મોટા માથાઓ વિરુદ્ધ કડક દાખલા રૂપ પગલા લેવાય તો જ આ ગરીબ લોકોના રૂપિયા પરત મળશે બાકી તો નાના લોકોને પોલીસ પાંજરે પૂરી આ મામલો બંધ કરી દેશે તો ચોક્કસથી ગરીબ લોકો ની મરણ મૂડી ક્યારે પાછી નહીં આવે. નિલેશ જોશી ઝી મીડીયા વાપી. FTP/VAPI_SEP25/26.9.25/2609ZK_KARODO_NI_THAGAI/3VISUAL/7BITE.