\B\Iસ્ક્રિપ્ટ એલર્ટ\I\B અમદાવાદ મ્યુનિસિપલ કોર્પોરેશન (AMC)ની સ્ટેન્ડિંગ કમિટીએ શહેરમાં ચાલતા પેઇંગ ગેસ્ટ (PG) સંચાલન અંગે મોટો નિર્ણય લીધો છે. શહેરના સાત ઝોનમાં 401 PG ચાલતા હોવાનું સામે આવ્યું છે. અને આ મામલે AMCએ કડક પગલાં લેવાની જાહેરાત કરી છે. અમદાવાદ શહેરમાં ચાલતા પેઇંગ ગેસ્ટ (PG) હોસ્ટેલ્સના નિયમન માટે AMCની સ્ટેન્ડિંગ કમિટીએ મહત્વનો નિર્ણય લીધો છે. શહેરના સાત ઝોનમાં 401 PG સ્થળો ચાલી રહ્યા હોવાનું તપાસમાં બહાર આવ્યું છે. આમાંથી 385 PG સંચાલકોને AMC દ્વારા નોટિસ આપવામાં આવી છે. સ્ટેન્ડિંગ કમિટીએ આદેશ આપ્યો છે કે, તમામ PG સંચાલકોએ પોલીસ રજિસ્ટ્રેશન અને સોસાયટીનું NOC (નો ઓબ્જેક્શન સર્ટિફિકેટ) રજૂ કરવું પડશે. જે સંચાલકો પાસે આ દસ્તાવેજો નહીં હોય, તેમની સામે કડક કાર્યવાહી કરવામાં આવશે. AMCએ આદેશ આપ્યો છે કે, જે PG સંચાલકો નિયમોનું પાલન નહીં કરે, તેમની સામે પગલાં ભરવામાં આવશે. જેમાં PG ખાલી કરાવવા સુધીની કાર્યવાહીનો સમાવેશ થાય છે. AMCના અધિકારીઓને આ મામલે કડક નિરીક્ષણ અને અમલીકરણની સૂચના આપવામાં આવી છે. આ નિર્ણયનો ઉદ્દેશ શહેરમાં ચાલતા PG હોસ્ટેલ્સનું નિયમન કરી, રહેવાસીઓની સુરક્ષા અને કાયદાકીય ધોરણોનું પાલન સુનિશ્ચિત કરવાનો છે. આ પગલું ખાસ કરીને વિદ્યાર્થીઓ અને નોકરીયાત લોકોની સલામતીને ધ્યાનમાં રાખીને લેવાયું છે. જેઓ મોટી સંખ્યામાં આવા PGમાં રહે છે. બાઈટ: દેવાંગ દાણી (ચેરમેન, સ્ટેન્ડિંગ કમિટી, AMC)