એન્કર છોટાઉદેપુરના પાવીજેતપુર તાલુકામાં સિહોદ પાસે જનતા દ્વારા ફરીથી ત્રીજી વાર જનતા ડાયવર્ઝન બનાવી દેતા વાહન વ્યવહાર માટે ફરી ચાલુ કરી દેવામાં આવતા લોકોમાં આનંદની લાગણી જોવા મળી રહી છે. વી.ઓ છોટાઉદેપુર જિલ્લાના પ્રવેશદ્વાર સમાન રાષ્ટ્રીય ધોરીમાર્ગ ૫૬ ઉપર આવેલ બ્રિજ ૨૦૨૩ માં ધોવાઈ જતા, અઢી વર્ષ જેટલા સમયથી લોકો બે વૈકલ્પિક ખખડધજ રસ્તાઓ થી ત્રાહિમામ પોકારી ગયા હતા. નર્કાગાર જેવી પરિસ્થિતિ ભોગવી રહ્યા હતા ત્યારે ૧૫ ઓગસ્ટના રોજ જનતા દ્વારા જનતા ડાયવર્ઝન બનાવવામાં આવ્યું હતું જે સુખી ડેમમાંથી પાણી છોડાતા નદીમાં ધસમસતો પ્રવાહ આવતા મોડી રાત્રે ધોવાઈ ગયું હતું. ફરીથી ૧૯ ઓગસ્ટના રોજ જનતા ડાયવર્ઝન લોકોએ બનાવ્યું હતું તે પણ બે ત્રણ દિવસ બાદ નદીના પટમાં સુખી ડેમનું પાણી છોડાતા ધોવાઈ ગયું હતું. આમ સતત બે વખત એક જ અઠવાડિયામાં જનતા ડાયવર્ઝન ધોવાઈ ગયું હોવા છતાં લોકોએ હિંમત હારી ન હતી તેમજ નવરાત્રી હાલ ચાલી રહી છે અને દિવાળીનો તહેવાર આવી રહ્યો છે ત્યારે વેન્ટિલેટર ઉપર ચાલતું પાવીજેતપુર બજારને ધબકતું કરવા તેમજ સમગ્ર જિલ્લાની જનતાને સુખાકારી રાહત મળે તે આશયથી ત્રીજી વાર નું જનતા ડાયવર્ઝન બનાવી દેવામાં આવ્યું છે જેના ઉપર વાહન વ્યવહાર ચાલુ થતાં લોકોમાં આનંદની લાગણી જોવા મળી રહી છે. વી.ઓ જો સામાન્ય જનતા એક મહિનામાં ત્રણ વાર જનતા ડાયવર્ઝન બનાવી શકતી હોય તો, આધુનિક ટેકનોલોજીથી સજ એવું તંત્ર તૂટેલું સરકારી ડાયવર્ઝન પુનઃ રીપેર ના કરી શકે ? કે પછી લોકોને સુખાકારી મળે તેમાં જ રસ નથી એવા સવાલો જનતામાં ઉઠી રહ્યા છે. એન એચ એ આઈ નુ અધિકૃત ડાયવર્ઝન ચોમાસા બાદ બનાવવાનું શરૂ થશે તેમ જાણવા મળી રહ્યું છે. WKT.હકીમ ઘડિયાલી, જનતા ડાઈવરજન