शिवनेरी किले पर युवक की मौत, 700 फीट गहरी खाई में शव बरामद

जुन्नर तालुक्यातील ऐतिहासिक किल्ले शिवनेरी गडावर फिरायला आलेल्या एका तरुणाचा मृतदेह अंबरखानाच्या पाठीमागील खोल दरीत आढळून आलाय. किल्ले शिवनेरी गडाच्या सनसेट पॉईंटजवळील कड्यावरून सुमारे ७०० फूट खोल दरीत हा मृतदेह आढळला असून, मृत तरुणाची ओळख शिरूर येथील रहिवासी मंगेश सोनवणे अशी झाली आहे. मंगेश हा एमपीएससी परीक्षेची तयारी करत असल्याची माहिती समोर आली असून, त्याने आत्महत्या केल्याचा अंदाज व्यक्त केला जात आहे. या घटनेनंतर जुन्नर वनविभाग आणि पुरातत्त्व विभागाच्या संयुक्त पथकाने रेस्क्यू मोहिम राबवून मृतदेह बाहेर काढला असून, शवविच्छेदनासाठी तो जुन्नर ग्रामीण रुग्णालयात पाठवण्यात आला आहे