नागपुर के पारशिवनी में पुल से कार गिरने से 8 घायल, दो की हालत गंभीर

नागपूर जिल्ह्यातील पारशिवनी तालुक्यात येणाऱ्या महादुला–चिंचोली मार्गावरील पुलावर कार चालकाचे नियंत्रण सुटल्याने कार पुलाखाली कोसळल्याची घटना घडली आहे. या अपघातात कारमधील 8 प्रवाशांपैकी 2 जणांची प्रकृती गंभीर असल्याची माहिती समोर आली आहे. प्राप्त माहितीनुसार, सावली ग्रामपंचायत हद्दीतून जाणाऱ्या महादुला–चिंचोली मार्गावरून गुरुवारी सायंकाळी MH-CB 7973 क्रमांकाची कार जात असताना चालकाचे नियंत्रण सुटले आणि कार पुलावरून खाली पडली. या कारमध्ये 4 महिला, 4 पुरुष आणि दीड वर्षाचे एक बालक प्रवास करत होते. अपघातानंतर स्थानिक नागरिक आणि पोलिसांच्या मदतीने सर्व जखमींना बाहेर काढून पारशिवनी उपजिल्हा रुग्णालयात दाखल करण्यात आले. यापैकी 2 जणांची प्रकृती गंभीर असल्याने त्यांना पुढील उपचारासाठी नागपूर येथे हलविण्यात आले आहे, तर किरकोळ जखमींवर पारशिवनी ग्रामीण रुग्णालयात उपचार सुरू आहेत.