*नागपूर जिल्ह्यातील कळमेश्वर नगर परिषदेच्या निवडणुकीला हिंसक गालबोट... कळमेश्वर नगरपरिषदेत काँग्रेस उमेदवाराचे काम का करत नाही, भाजप वाल्यांना साथ का देतो?? या रागातून आरिफ नावाच्या एका व्यक्तीला काँग्रेसचे नागपुरातील स्थानिक नेते व मावळत्या महापालिकेतील काँग्रेस नगरसेवक हरीश ग्वालबंशी आणि त्यांच्या पाच ते सहा सहकार्याने बेदम मारहाण केल्याचा आरोप होत आहे... गंभीर जखमी झालेल्या आरिफला रुग्णालयात दाखल करण्यात आले असून आरिफ ने दिलेल्या तक्रारीनुसार पोलिसांनी हरीश ग्वालबंशी आणि त्यांच्या सहकाऱ्यांविरोधात अपहरण आणि मारहाण असे गंभीर गुन्हे दाखल केले आहे... पोलिसांकडून मिळालेल्या माहितीप्रमाणे काल रात्री अकरा वाजताच्या सुमारास कळमेश्वर पोलीस स्टेशनच्या हद्दीतील विसावा बारमध्ये आरिफ आणि हरिश ग्वालबंशी आणि त्यांच्या त्यांच्यासोबतचे सहकारी समोरासमोर आले.. तेव्हा ग्वालबंशी यांनी आरिफला तू कळमेश्वर नगरपरिषदेच्या निवडणुकीत काँग्रेस उमेदवाराचा काम का करत नाही, भाजप उमेदवाराला का साथ देतो अशी विचारणा केली... यावरून दोघांमध्ये वाद वाढला.. ग्वालबंशी सोबतच्या सहकाऱ्यांनी आरिफचे अपहरण केले आणि त्यानंतर नागपूर जवळच्या गोरेवाडा परिसरात आणून बेदम मारहाणी केली.. नंतर जखमी अवस्थेतील आरिफला तिथेच सोडून आरोपी पडून गेले... जखमी आरिफला रुग्णालयात दाखल करण्यात आले असून त्याच्या तक्रारीनंतर पोलिसांनी हरीश ग्वालबंशी आणि त्याच्या चार सहकाऱ्यांविरोधात गुन्हा नोंदवला आहे... याप्रकरणी तीन आरोपींना अटक झाली आहे मात्र काँग्रेस नेते हरीश ग्वालबंशी अजूनही फरार आहेत..