कल्याण-डोंबिवली चुनाव सूची में गड़बड़ी! भाजपा ने भी नाम दूसरे वार्ड में डालने का आरोप

कल्याण-डोंबिवली निवडणूक यादीत घोळ? भाजप निवडणूक प्रमुख नाना सूर्यवंशी यांचा गंभीर आरोप विरोधी पक्षांनी केडीएमसी निवडणूक यादीत घोळ असल्याचा आरोप करत हरकती घेतल्या होत्या मात्र आता सत्ताधारी भाजपनेही याद्यातील नावे दुसऱ्या प्रभागात टाकण्याची हरकत घेतली आहे त्यामुळे राजकीय वर्तुळात सर्वांच्या भुवया उचलल्या आहेत कल्याण डोंबिवली महानगरपालिका निवडणुकांच्या पार्श्वभूमीवर निवडणूक यादीत मोठ्या प्रमाणावर हेरफेर झाल्याचा आरोप भाजपचे कल्याण-डोंबिवलीचे निवडणूक प्रमुख नाना सूर्यवंशी यांनी केला आहे. पालिकेच्या निवडणूक विभागातील कर्मचाऱ्यांनी जाणून-बुजून चुकीचे फेरबदल केल्याचे आरोप केला आहे. एका प्रभागाच्या सीमेत येणारी हजारो मतदारांची नावे दुसऱ्या प्रभागात टाकण्यात आली आहेत. ही केवळ चुकून झालेली किंवा अपघाती चूक नसून जाणून-बुजून केलेला गैरप्रकार असल्याच त्यांनी सांगितले. भाजपला निवडणुकीत अडचणीत आणण्यासाठीच हा प्रकार घडवून आणल्याचा आरोपही त्यांनी यावेळी केला. चुकांना तातडीने दूर कराव्या. अन्यथा संबंधित कर्मचाऱ्यांवर कठोर कारवाई करण्याची मागणी आम्ही करू. निवडणूक प्रक्रिया पारदर्शक वातावरणात झाली पाहिजे, आणि जर या तक्रारी दखल घेतल्या नाहीत, तर भाजपकडून पुढील पावले उचलली जातील. निवडणूक प्रक्रिया पारदर्शक ठेवण्यासाठी प्रशासनाने तातडीने हस्तक्षेप करून दुरुस्ती करावी, अशी मागणी भाजपकडून करण्यात आली आहे. अन्यथा भाजप कडून यांची दखल घेऊन योग्य ती कारवाई केली जाईल. त्याचं बरोबर पॅनल क्रमांक ३ मधील १५ ते १६ हजार नावे ही पॅनल क्रमांक चार मध्ये टाकण्याची तक्रार भाजपचे टिटवाला मंडळ अध्यक्ष शक्तिवान भोईर यांनी देखील केली आहे. नाना सूर्यवंशी जिल्हा अध्यक्ष