वाशिम: अँकर:वाशिमच्या मालेगाव तालुक्यातील अमानवाडी–जऊळका रस्त्याची अत्यंत दुरवस्था झाल्याने संतप्त नागरिकांनी बेमुदत उपोषणाचा मार्ग स्वीकारला आहे.रस्ता दुरुस्तीच्या मागणीसाठी सीता चिंतामण धंदरे यांनी६जानेवारीपासून धमधमी बसस्थानक परिसरात बेमुदत उपोषणास सुरुवात केली आहे.अमानवाडी-जाऊळका जोडणाऱ्या १० किलोमीटर लांबीच्या या रस्त्यावर मोठ्या प्रमाणात खड्डे पडले असल्याने,अपघातांचे प्रमाण वाढले आहे.वाहनचालक व पादचाऱ्यांना जीव मुठीत धरून प्रवास करावा लागत आहे.हा मार्ग मालेगाव–साखरविरा मार्गे अकोला जिल्ह्याशी जोडणारा असून आदिवासीबहुल गावांसाठी महत्त्वाचा आहे.वारंवार निवेदने व आंदोलने करूनही दखल न घेतल्याने उपोषणाचा निर्णय घेण्यात आला. आता सार्वजनिक बांधकाम विभागाच्या निर्णयाकडे नागरिकांचे लक्ष लागले आहे.