पिंपरी चिंचवड के अनधिकृत कॉल सेंटरों पर पुलिस का बड़ा छापा: अमेरिकन नागरिकों को ठगी का पर्दाफाश

आय टी नगरी हिंजवडी मध्ये अमेरिकेतील नागरिकांची फसवणूक करणाऱ्या दोन अनधिकृत कॉल सेंटरवर छापा टाकत पिंपरी चिंचवड पोलिसांच्या सायबर पोलीस आणि गुन्हे शाखा २ ने पर्दाफाश केला आहे. या कॉल सेंटर मधून थेट अमेरिकन नागरिकांची फसवणूक केली जात असल्याची माहिती उघड झालीय. या कॉल सेंटर मधून अमेरिकन नागरिकांना अमेरिकन मेडिकल हेल्थ डिपार्टमेंट मधून बोलत असल्याचं सांगून नागरिकांकडून ते वापरत असलेल्या वेलकम पावडर आणि इतर सौंदर्यप्रसाधनांची माहिती घेऊन यामुळे तुम्हाला कॅन्सर होऊ शकतो असं सांगत तुम्हाला संबंधित कंपनीकडून जास्त मोबदला मिळवून दिला जाईल असं सांगून त्यांच्या वैयक्तिक माहिती घेतली जात असे आणि ती अमेरिकेतील लॉ फार्मला विकून त्यातून डॉलर स्वरूपात पैसे मिळवले जात असत. दुसऱ्या प्रकारात डेटाद्वारे तिथल्या नागरिकांशी संवाद साधून लोन मिळवून देण्याच्या आमिषाने त्यांची फसवणूक केली जायची. कम्युनिटी चॉईस फायनानासीयल कंपनीतून बोलत असल्याचं सांगून लोनसाठी क्रेडिट स्कोर सुधारून देण्यात येईल, अस अमिश दाखवून त्यांच्याकडून वेगवेगळ्या कंपनीचे कुपन घेऊन ते डॉलरमध्ये बदलून घेत. दुसऱ्या पद्धतीने देखील अमेरिकन नागरिकांची फसवणूक केली जात होती. सायबर पोलिस आणि गुन्हे शाखा युनिट दोनने याप्रकरणी कॉल 센टर मालक आणि मॅनेजर विरुद्ध सायबर पोलीस ठाण्यात गुन्हा दाखल करण्यात आला आहे. दोन्ही कॉल सेंटरमधून २० हार्ड डिस्क आणि तीन लपटॉप जप्त करण्यात आले आहेत. टेकला सोल्यूशन कॉल सेंटरचा मालक धंनजय साहेबराव कासार, मॅनेजर हर्षद शंकर खामकर आणि स्काय सोल्यूशनचा मालक सागर कुमार यादव, मॅनेजर आनंद पंकज सिन्हा यांच्या विरुद्ध गुन्हा दाखल करण्यात आला असून अटक करण्यात आली आहे. चौघांना न्यायालयाने १८ नोव्हेंबर पर्यंत पोलीस कोठडी सुनावली आहे.