उपमुख्यमंत्री एकनाथ शिंदे यांच्याविषयी आक्षेपार्ह वक्तव्य केल्याचा आरोप करत शिवसेना शिंदे गटाने बाळापूरचे आमदार नितीन देशमुख यांचा पातूर येथे जाहीर निषेध केला आहे. अकोला महानगरपालिका निवडणुकीच्या प्रचारादरम्यान उमरी येथे झालेल्या सभेत आमदार नितीन देशमुख यांनी उपमुख्यमंत्री एकनाथ शिंदे यांच्यावर टीका केली होती. या वक्तव्याचा व्हिडिओ सोशल मीडियावर मोठ्या प्रमाणात व्हायरल झाला आहे. नितीन देशमुख यांनी एकनाथ शिंदे यांना शैतान म्हणत एकनाथ शिंदे यांच्या शिवसेनेला कोंबडी एवढा आयुष्य असल्याचं वादग्रस्त वक्तव्य केलं होतं. दरम्यान, या भाषणानंतर shिंदे गट आक्रमक झाला आहे असून पातूर शहरातील टिकेव्ही चौकात शिवसेना शिंदे गटाच्या कार्यकर्त्यांनी आमदार नितीन देशमुख यांच्या प्रतिकात्मक फोटोला काळे फासून जोरदार घोषणाबाजी केली. यावेळी उपमुख्यमंत्री एकनाथ शिंदे यांच्याविरोधात पुन्हा अपशब्द वापरल्यास शिवसेना स्टाईलने प्रत्युत्तर देण्यात येईल, असा इशारा तालुका प्रमुख अनंत उर्फ बालू बागडे यांनी दिला. या निषेध आंदोलनात शिवसेना शिंदे गटाचे पदाधिकारी आणि कार्यकर्ते मोठ्या संख्येने सहभागी झाले होते.