देवभूमि द्वारका में भारी बारिश से रावला-टंकारिया मार्ग जलमग्न, आवागमन हुआ ठप

વીઓ :- દેવભૂમિ દ્વારકા: દેવભૂમિ દ્વારકા જિલ્લાના કલ્યાણપુર તાલુકામાં ગઈકાલે પડેલા ભારે વરસાદને કારણે જળબંબાકારની સ્થિતિ સર્જાઈ છે. મુશળધાર વરસાદના પગલે રાવલ અને ટંકારિયા ગામોને જોડતો મુખ્ય માર્ગ સંપૂર્ણપણે વરસાદી પાણીમાં ગરકાવ થઈ જતાં વાહનવ્યવહાર બંધ થઈ ગયો છે. પરિણામે, આસપાસના ગ્રામ્ય વિસ્તારોના લોકોને અવરજવર માટે ભારે મુશ્કેલીનો સામનો કરવો પડી રહ્યો છે. આ ઉપરાંત, કલ્યાણપુર તાલુકામાં ખેતરોમાં પણ પાણી ફરી વળતા ખેડૂતોની હાલત કફોડી બની છે. ખાસ કરીને રાવલ અને ટંકારિયાની આસપાસના ખેતરોમાં વરસાદી પાણી ભરાઈ જતાં ઊભા પાકને વ્યાપક નુકસાન થવાની ભીતિ સેવાઈ રહી છે. જેના કારણે ખેડૂતોમાં ભારે ચિંતાનું મોજું ફરી વળ્યું છે. તંત્ર દ્વારા તાત્કાલિક ધોરણે પાણીના નિકાલની વ્યવસ્થા કરવામાં આવે તેવી ગ્રામજનો અને ખેડૂતોની માંગ છે.