એકર સુરતના સચિન વિસ્તારમાં એક સનસનીખેજ ઘટના સામે આવી છે, જેમાં એક 16 વર્ષના કિશોરનું અપહરણ કરીને તેને ઢોરમાર મારવામાં આવ્યો હતો. આરોપીઓએ બહેનની છેડતી કર્યાના આક્ષેપ કિશોર પર મુક્યો છે.કિશોરના પરિવારે ફરિયાદ નોંધાવતા જ સચિન પોલીસ તુરંત એક્શનમોડમાં આવીને ગુનામાં સંડોવાયેલા 5 આરોપીની ધરપકડ કરી છે. વિઓ.1 ભોગ બનનાર 16 વર્ષીય કિશોર બે દિવસ પહેલા આશરે આઠેક વાગ્યે તેના મિત્ર સાગર સાથે શ્રીરૂદ્ર રેસીડેન્સીના પેમ્ફલેટ વેચવા માટે નીકળ્યો હતો.પેમ્ફલેટ વેચીને ઘરે પરત ફરતી વખતે પારડી કણદે સરકારી સ્કૂલ પાસે એક રિક્ષા ઊભી હતી. ત્યારે કિશોરના મિત્ર દ્વારા રિક્ષામાં પેમ્ફલેટ મૂકી દેતા વિવાદ સર્જાયો હતો. તે સમયે રિક્ષાચાલક સાથે નજીવો ઝઘડો થયો હતો, જેમાં રિક્ષાચાલકે કિશોરને ગાળ આપી હતી. આ ઘટના બાદ કિશોર ત્યાંથી જતો રહ્યો હતો.જોકે, રાત્રે આશરે દસથી સાડા દસ વાગ્યાના અરસામાં કિશોર પર એક અજાણ્યા નંબર પરથી ફોન આવ્યો, જેમાં તેને જમીન બાબતે તાત્કાલિક મળવા બોલાવવામાં આવ્યો. રાત્રિનો સમય હોવાથી કિશોર શિવનગર ખાતે ગરબા જોવા ગયો હતો. આશરે અગિયાર-બાર વાગ્યાના સુમારે કિશોર ગરબા જોઈ રહ્યો હતો, ત્યારે આરોપીઓ કિશન જમનભાઈ ચૌહાણ અને અમિત રાજુભાઈ રાઠોડ ત્યાં ધસી આવ્યા. અમિત રાઠોડે કિશોરને બાવડાથી પકડીને બળજબરીપૂર્વક પોતાની એક્ટિવા પર વચ્ચે બેસાડી શિવદ્રષ્ટિ ખાતે લાવ્યો હતો.આ સ્થળે અન્ય ત્રણ આરોપી વિશાલ જીવણભાઈ ભરવાડ, શંકર વિજયભાઈ નાયર, બાબુ ઉર્ફે રવિ રાજુભાઈ રાઠોડપણ પોતાની બુલેટ પર આવી પહોંચ્યા હતા. વિશાલ ભરવાડે કિશોરને જણાવ્યું કે, તું મારી બહેનની કેમ છેડતી કરે છે? તેવા આક્ષેપ મૂકીને તમામ આરોપીઓએ કિશોરને જાનથી મારી નાખવાની ધમકી આપી. ત્યારબાદ તેને સચિન કોમ્યુનિટી હોલ આશ્રમ શાળા પાસે લઈ જઈ ગાડી પરથી નીચે પાડી દીધો હતો.આરોપીઓ વિશાલ અને અમિતે પોતાના હાથમાં પહેરેલા કડા વડે તેમજ કમરના પટ્ટા અને પટ્ટાના કડા વડે કિશોરના માથાના ભાગે તથા પીઠના ભાગે માર માર્યો હતો. જ્યારે કિશન અને શંકરે ઢીકમુક્કીનો માર માર્યો હતો અને તમામ આરોપીઓ ગાળાગાળી કરી રહ્યા હતા. મારથી બચવા કિશોર હિમાંશુ ત્યાંથી ભાગીને ઝાડી-ઝાખરામાં છુપાઈ ગયો અને બાદમાં પોતાના જીજાજી મુકેશસિંગના ઘરે શિવદ્રષ્ટિ ખાતે પહોંચ્યો હતો.આ સમગ્ર ઘટનાની જાણ થતાં પરિવારજનોએ પોલીસ કંટ્રોલ નંબર 112 પર ફોન કર્યો અને સચિન પોલીસ સ્ટેશન પહોંચ્યા હતા. કિશોરના સાળા દ્વારા આ 5 આરોપી વિરુદ્ધ સચિન પોલીસ સ્ટેશનમાં કાયદેસરની ફરિયાદ નોંધાવવામાં આવી. ફરિયાદમાં જણાવ્યા મુજબ, આરોપીઓએ એકસંપ કરીને, 'મારી બહેનની કેમ છેડતી કરે છે' તેમ કહી, કિશોરનું અપહરણ કર્યું હતું, જાનથી મારી નાખવાની ધમકી આપી હતી અને ઢીકમુક્કી, પટ્ટા તથા કડા જેવા હથિયારો વડે માર મારીને હથિયારબંધી જાહેરનામાનો ભંગ કર્યો હતો. સચિન પોલીસે તત્કાળ કાર્યવાહી કરીને ગુનામાં સંડોવાયેલા 5 આરોપીની ધરપકડ કરી લીધી છે અને કાયદેસરની કાર્યવાહી હાથ ધરી છે. બાઈટ..પી.એન.વાઘેલા..પીઆઇ સચિન પોલીસ સ્ટેશન ...... સુરત બ્રેક સચિન વિસ્તારમાં 16 વર્ષના કિશોરના અપહરણ નો મામલો સચિન પોલીસે 5 આરોપીઓની કરી ધરપકડ બહેન ની છેડતી કરતા ભાઈએ આરોપી સાથે મળી કિશોર નું અપહરણ કર્યું હતું ઘર પાસે જ ઝાડી માં લઇ જઇ કિશોર ને માર મારવામાં આવ્યો હતો પરિવાર ની ફરિયાદ બાદ પોલીસ એક્શન મોડમાં આવી હતી કિશોર ને બેલ્ટ અને કડા વડે માર મારવામાં આવ્યો હતો બાઇક પર કિશોરનું અપહરણ કરવામાં આવ્યું હતું બાઈટ..પી.એન.વાઘેલા..સચિન પોલીસ મથક પીઆઇ