સુરત: હજીરા વિસ્તારમાં આવેલી પ્રતિષ્ઠિત ક્રિભકો (KRIBHCO) કંપનીમાં ફરજ દરમિયાન એક આશાસ્પદ યુવાનનું કરંટ લાગવાથી કરુણ મોત નીપજ્યું છે. ઓલપાડમાં રહેતા ૨૪ વર્ષીય અક્ષ દીપકભાઈ પટેલના મૃતુ<|>દે કારણે પરિવારમાં ભારે શોક અને રોષ જોવા મળી રહ્યો છે. મળેતી માહિતી મુજબ, મૃત્યુ પાત્ર અક્ષ પટેલ ક્રિભકો કંપનીમાં ઇલેક્ટ્રિશિયન તરીકે કાર્યરત હતું. કામ દરમિયાન ચાલુ ઇલેક્ટ્રિક લાઇન પર કામ કરતી વખતે તેને જોરદાર વીજ કરંટ લાગ્યો હતો. જેના કારણે તેનું ઘટનાસ્થળે જ મોત નીપજ્યું હતું. અક્ષના અકાળે અવસાનથી શોકતુર પરિવારે કંપની પ્રશાસન સામે ગંભીર સવાલો ઉઠાવ્યા છે. પરિવારનો આક્ષેપ છે કે અક્ષને કંપની દ્વારા કોઈપણ પ્રકારના સુરક્ષાના સાધનો (Safety Gear) આપવામાં આવ્યા નહોતા. ગંભીર બેદરકારી: સેફ્ટી કીટ વગર જ તેને ચાલુ લાઇન પર કામ કરવા માટે મજબૂત કરવામાં આવ્યો હતો. પરિવારે આ ઘટના માટે જવાબદાર લોકો સામે કડક કાર્યવાહી કરવાની માંગ કરી છે. ઘટનાાની જાણ થતા જ ઈચ્છાપોર પોલીસ કાફલો ઘટનાસ્થળે પહોંચી ગયો હતો. પોલીસ હાલ અકસ્માતે મોતના ગુના હેઠળ તપાસ શરૂ કરી છે અને મૃતદેહને પોસ્ટમોર્ટમ માટે ખસેડવામાં આવ્યો છે. કંપનીની બેદરકારી અંગે પણ પોલીસ તપાસ કરી રહી છે. સુરત જેવા ઔદ્યોગિક હબમાં અવારનવાર સેફ્ટીની અભાવે કામદારોના જીવ જતા હોય છે. ત્યારે આ કિસ્સામાં તંત્ર કેટલી કડક કાર્યવાહી કરે છે તે જોવું રહ્યું.