राष्ट्रवादी महिला काँग्रेस यवतमाळतर्फे कर्तृत्ववान महिलांचा सन्मान

राष्ट्रवादी महिला काँग्रेस पार्टी, यवतमाळ यांच्या वतीने जिल्ह्यातील विविध क्षेत्रातील कर्तृत्ववान महिलांचा सन्मान सोहळा आयोजित करण्यात आला. नवरात्री उत्सवाच्या निमित्ताने महाराष्ट्रभर राष्ट्रवादी महिला काँग्रेसच्या प्रदेशाध्यक्ष रूपालीताई चाकणकर यांच्या संकल्पनेतून हा उपक्रम राबविण्यात आला आहे. यवतमाळ जिल्ह्यात नऊ दिवस विविध क्षेत्रातील महिलांचा सत्कार करण्यात आला. प्रशासकीय अधिकारी, दिव्यांग व्यक्ती, उद्योजिका, आधुनिक शेतकरी, पत्रकार, वाहतूक क्षेत्रातील कामगार, शिक्षिका, लेखिका, कलावंत, समाजप्रबोधिका, खेळाडू अशा अनेक क्षेत्रातील महिला या सन्मानास पात्र ठरल्या. पोलीस अधिकारी शुभांगी गुल्हाने, उद्योजिका जोशना भाटपुरे, सामाजिक कार्यकर्त्या सुधा खडके, अधिकारी प्रतिभा पवार, शिक्षिका मीनाक्षी काळे, आधुनिक शेतकरी अनुजा देशमुख यांना सन्मानित करण्यात आले