Washim में तूर की फसल बचाने के लिए किसान बेमौसम बरसात से परेशान

वाशिम: अकंर: वाशिम जिल्ह्यात सध्या तूर काढणीची लगबग सुरू आहे.जिल्ह्याच्या अनेक भागांत शेतकरी दिवस-रात्र शेतात मेहनत घेताना दिसत आहेत.शेतात सोंगून उभ्या केलेल्या तुरीच्या सुडीला अचानक अवकाळी पावसाचा फटका बसू नये,यासाठी शेतकरी तातडीने मळणी यंत्रांच्या सहाय्याने तूर काढणी करत आहेत.हवामानात बदल होऊन आगामी काळात अवकाळी पावसाची शक्यता वर्तवली जात असल्याने शेतकऱ्यांची चिंता वाढली आहे.पावसात तूर भिजल्यास उत्पादनाचा दर्जा खालावतो आणि त्यामुळे मोठे आर्थिक नुकसान सहन करावे लागू शकते.हीच भीती लक्षात घेऊन नुकसान टाळण्यासाठी शेतकरी घाईघाईने काढणी आणि मळणी करत आहेत.जिल्ह्यातील अनेक गावांमध्ये मळणी यंत्रे सुरू असून शेतकऱ्यांची धावपळ पाहायला मिळत आहे.अवकाळी पावसापूर्वी तूर सुरक्षितपणे घरात पोहोचवण्याचा शेतकऱ्यांचा आटोकाट प्रयत्न सध्या सुरू आहे.