कल्याण की शिवजयंती पर एपस्टीन फाइल्स संदर्भित चित्ररथ पर ठाकरे गट का विवाद

कल्याणच्या शिवजयंती मिरवणुकीत ‘एपस्टीन फाईल्स’वर ठाकरे गटाचा वादग्रस्त चित्ररथ पोलिस हस्तक्षेपानंतरही कारवाईच्या मागणीवर शिवसैनिक ठाम उद्धव ठाकरे यांच्या नेतृत्वाखालील शिवसेना उद्धव ठाकरे पक्षातर्फे कल्याणमध्ये दरवर्षी तिथीनुसार छत्रपती शिवाजी महाराज यांची शिवजयंती मोठ्या उत्साहात साजरी केली जाते. शिवजयंती मिरवणुकांमध्ये विविध सामाजिक संदेश देणारे चित्ररथ हे विशेष आकर्षण असते.यंदा कल्याण पश्चिमेतील रामबाग शाखेकडून ‘एपस्टीन फाईल्स’ संदर्भातील देखावा साकारण्यात आला आहे. शिवसेनेचे उपनेते विजय साळवी त्यांच्या सहकाऱ्यांच्या संकल्पनेतून हा देखावा तयार करण्यात आला आहे. अमेरिकेच्या United States Department of Justice कडून जाहीर झालेल्या कथित एपस्टीन फाईल्समध्ये काही भारतीय व्यक्तींचा उल्लेख असल्याचा मुद्दा या देखाव्यात मांडण्यात आला आहे. या चित्ररथाच्या माध्यमातून या प्रकरणात भारतातील मंत्री, नेते, उद्योजक, कलाकार आणि खेळाडू यांची निष्पक्ष चौकशी करून दोषींवर कठोर कारवाई करावी, अशी मागणी करण्यात आली आहे. तसेच छत्रपती शिवाजी महाराज यांनी शिकवलेल्या स्त्री सन्मानाच्या संस्कृतीचा संदेशही या देखाव्यातून देण्यात आला आहे. विशेष म्हणजे कल्याणच्या सुभेदाराच्या सुनेचा छत्रपतींनी मातेसमान सन्मान केल्याचा प्रसंगही चित्ररथात दाखवण्यात आला आहे. दरम्यान, चित्ररथावर काही शासकीय आणि संविधानिक पदांवरील व्यक्तींची नावे दाखवण्यात आल्याने पोलिसांनी आयोजकांना ती काढण्याच्या सूचना दिल्या. पोलिसांच्या सूचनेनंतर काही नावे चित्ररथातून हटवण्यात आली असली तरी संबंधितांवर चौकशी व कारवाईची मागणी कायम ठेवण्यात येणार असल्याची भूमिका ठाकरे गटाच्या कार्यकर्त्यांनी व्यक्त केली आहे.