लातूर: निजी स्कूल के ऑटो में 19 विद्यार्थी, क्षमता से अधिक यात्रा—पालक चिंतित

लातूर शहरासह जिल्ह्यातील ग्रामीण भागात खाजगी इंग्लिश माध्यमाच्या शाळांची संख्या मोठ्या प्रमाणात वाढत आहे. त्यामुळे आपल्या मुलांनी इंग्लिश माध्यमात शिक्षण घ्यावे अशी पालकांची इच्छा वाढली आहे. मात्र विद्यार्थ्यांच्या वाहतुकीसाठी वापरल्या जाणाऱ्या वाहनांची क्षमता, सुरक्षितता आणि नियमांचे पालन होते का, याकडे मात्र कोणाचेच लक्ष नसल्याचे दिसून येत आहे. याचाच फायदा घेत काही खाजगी शाळांकडून विद्यार्थ्यांची धोकादायक वाहतूक केली जात असल्याचा प्रकार निलंगा येथे समोर आला आहे. सात प्रवाशांची क्षमता असलेल्या कट ऑटोमध्ये तब्बल 19 ते 20 विद्यार्थ्यांना कोंबून ने-आण केली जात असल्याचा आरोप पालकांनी केला आहे. संतप्त पालकांनी या ऑटोचा व्हिडिओ काढत चालकाला जाब विचारला असून, वारंवार सूचना देऊनही शाळा प्रशासन, आरटीओ आणि पोलिसांकडून दुर्लक्ष होत असल्याचा आरोप केला जात आहे. नेमकं काय आहे हे प्रकरण पाहूया याच संदर्भातील ZEE 24 TAAS चार स्पेशल रिपोर्टमधून… दरम्यान, या प्रकारामुळे संतप्त झालेल्या पालकांनी शाळा प्रशासनावर गंभीर आरोप केले आहेत. वारंवार सूचना देऊनही विद्यार्थ्यांच्या सुरक्षााबाबत कोणतीही खबरदारी घेतली जात नसल्याचे पालकांचे म्हणणे आहे. विद्यार्थ्यांना ने-आण करणाऱ्या वाहनांची आरटीओकडून नियमित तपासणी होते का? जर तपासणी होत असेल, तर क्षमतेपेक्षा तिप्पट विद्यार्थी घेणारी अशी वाहने रस्त्यावर कशी चालतात? शाळा म्हणजे विद्यार्थ्यांच्या सुरक्षिततेची हमी असलेली जागा मानली जाते. मात्र क्षमतेपेक्षा तिप्पट विद्यार्थ्यांना कोंबून, तांत्रिक बिघाड असलेल्या वाहनातून ने-आण केली जात असेल तर हा विद्यार्थ्यांच्या जीवाशी खेळच ठरतो. आता या गंभीर प्रकारावर प्रशासन काय कारवाई करते, नियमांचे उल्लंघन करणाऱ्या शाळा आणि वाहन चालकांवर कारवाई होते का आणि विद्यार्थ्यांच्या सुरक्षेसाठी ठोस उपाययोजना केल्या जातात का, हे पाहणे महत्त्वाचे ठरणार आहे.