भिवंडी महापौर पद के लिए बीजेपी के दो गुट फिर मिले, सहयोग संकेत

भिवंडी पालिका महापौर पदासाठी दुरावलेले भाजपाचे दोन गट उमेदवारी अर्ज भरण्याच्या पूर्वसंध्येला शहर पक्ष कार्यालयात सर्व मतभेद विसरून एकत्र आले होते. निवडणूक प्रभारी आमदार महेश चौघुले, शहराध्यक्ष रवी सावंत, गटनेते संतोष शेट्टी यांच्या उपस्थिती मध्ये झालेल्या या बैठकीस महापौर पदाचे उमेदवार नारायण चौधरी त्यांना विरोध करणारे सुमित पाटील, निलेश चौधरी, प्रकाश टावरे, हनुमान चौधरी, यशवंत टावरे यांसह सर्व २२ नगरसेवक उपस्थित होते. यानिमित्ताने दोन गटात विभागलेले नगरसेवक पुन्हा एकत्र आले असल्याने उद्या त्यांचे महापौर पदासाठी जुळवाजुळव कशी असणार हे पाहणे महत्वाचे असणार आहे. भाजपमध्ये कोणतेही दोन गट नव्हते. कोणाची नाराजी दूर केली नाही. भारतीय जनता पार्टी मोठी पार्टी आहे. ही पार्टी कोणामुळे थांबणार नाही. सर्वजण एकत्र होतो आज पण उद्या पण एकत्र राहणार. नारायण चौधरी व सुमित पाटील यांनी महापौर पदासाठी इच्छुकता शहर पक्षाकडे दाखवली होती. प्रदेश पदाधिकाऱ्यांनी नारायण चौधरी यांचे नाव निश्चित केल्याने ते उमेदवार असणार आहेत. त्यामुळे थोडी नाराजी होती ती दोन दिवसात संपली त्यानंतर सर्व पुन्हा एकत्र आले त्यानंतर सर्व पुन्हा कामाला लागले. महायुती म्हणून वरिष्ठांसोबत बैठका सुरू आहेत. त्यातून निर्णय होईल. गरज असली आणि त्यांची इच्छा असेल तर राष्ट्रवादी काँग्रेस शरद पवार गटाची अथवा काँग्रेस पक्षाची सुद्धा सोबत घेणार असल्याचे निवडणूक प्रभारी आमदार महेश चौघुले यांनी स्पष्ट केले.