कोल्हापूर महानगरपालिकेत अनेकांना नेतृत्व करण्याची संधी मिळावी यासाठी भाजपाने सव्वा वर्षाचा एक स्वीकृत नगरसेवक करण्याचा निर्णय घेतला आहे. मोठ्या पदाच्या खांडोळीनंतर स्वीकृत नगरसेवक पदाची देखील खांडोळी केली जात आहे. उच्च आणि तंत्र शिक्षण मंत्री चंद्रकांत दादा पाटील यांच्या उपस्थितीत भाजप कार्यालयात झालेल्या बैठकीत हा निर्णय घेण्यात आला. यावेळी भाजपा कार्यालयात जिल्हा परिषद आणि पंचायत समिती निवडणुकीत विजय झालेल्या उमेदवारांचा सत्कार करण्यात आला, त्यावेळी चंद्रकांत दादा पाटील यांनी याच्या पाच वर्षात बारा स्वीकृत नगरसेवक होतील अशी माहिती दिली आहे.