इन्द्रायणी प्रदूषण: बीज सोहळ्यापूर्वी सांडपाणी नदीत, वारकऱ्यांचे आरोग्य संकट मेंह

Headline : इंद्रायणी प्रदूषणाचा गंभीर प्रश्न.. बीज सोहळ्यापूर्वी सांडपाणी थेट नदीत, वारकऱ्यांच्या आरोग्यावर संकट?\n\nAnchor : जगद्गुरू संत तुकाराम महाराज यांच्या बीज सोहळ्याला अवघे काही दिवस उरले असताना देहू नगरीतील इंद्रायणी नदी प्रदूषणाच्या विळख्यात सापडल्याचे धक्कादायक चित्र समोर आले आहे. देहूनगरपंचायत हद्दीतील काही भागातील दुर्गंधीयुक्त सांडपाणी थेट इंद्रायणी नदी पात्रात सोडले जात असल्याने वारकरी भाविकांच्या आरोग्याचा प्रश्न ऐरणीवर आला आहे. घाट परिसरात सप्ताह, भजन-कीर्तन यांसह धार्मिक कार्यक्रमांचे आयोजन होते. अनेक ठिकाणी स्वयंपाकासाठीही नदीचे पाणी वापरले जाते. भाविकांच्या श्रद्धास्थानी असलेली इंद्रायणी नदी ‘अमृततुल्य’ मानली जात असताना त्याच नदीत मैलामिश्रित सांडपाणी मिसळत असल्याने तीव्र नाराजी व्यक्त होत आहे. प्रशासनाने या गंभीर प्रश्नाकडे तातडीने लक्ष देऊन कार्यवाही करणे गरजेचे असल्याची भावना नागरिकांतून व्यक्त होत आहे. श्रद्धेचा केंद्रबिंदू असलेल्या इंद्रायणीचे पावित्र्य आणि वारकाऱ्यांचे आरोग्य अबाधित राखण्यासाठी प्रशासनाने त्वरित पावले उचलावीत, अशी अपेक्षा व्यक्त केली जात आहे. याच इंद्रायणी नदी च्या घाटावरून आढावा घेतला आहे आमच्या प्रतिनिधी चैत्राली राजापूरकर यांनी...