शेगांव इंजीनियरिंग कॉलेज में छात्र पर लोहे की रॉड से हमला; आरोपी गिरफ्तार

बुलढाणा जास्त हिरो बनतोस ! आम्हाला सर म्हणत नाहीस ! रिस्पेक्ट देत नाहीस म्हणून इंजिनिअरिंग कॉलेजच्या विद्यार्थ्यांच्या डोक्यात घातला लोखंडी रॉड शेगावच्या अभियांत्रिकी कॉलेज मधील धक्कादायक प्रकार तिने आरोपींविरोधात गुन्हा दाखल करून अटक शेगावमध्ये इंजिनिअरिंगच्या प्रथम वर्षात शिकणाऱ्या एका विद्यार्थ्यावर केवळ 'हिरोगिरी करतो' आणि 'सन्मान दिला नाही' या क्षुल्लक कारणावरून लोखंडी रॉडने जीवघेणा हल्ला करण्यात आला आहे. प्रिन्स वाजगे असं या पीडित विद्यार्थ्याचं नाव असून, केवळ वर्चस्व गाजवण्याच्या उद्देशाने त्याला लक्ष्य करण्यात आल्याचा आरोप होत आहे. ही घटना शेगावमधील काशीलानी पेट्रोल पंपा समोरील एका खाद्यपदार्थाच्या गाडीवर घडली. प्रिन्स वाजगे हा विद्यार्थी तिथे असताना, ओम टाले, गौरव हळदे आणि सुमित चव्हाण या तिघांनी त्याला गाठले. "तू कॉलेजमध्ये आम्हाला रिस्पेक्ट देत नाही, जास्त हिरो बनतोस, आम्हाला 'सर' का म्हणत नाही?" असे म्हणत त्यांनी वादाला सुरुवात केली. हा वाद इतका विकोपाला गेला की, या तिघांनी थेट लोखंडी रॉडने प्रिन्सच्या डोक्यावर या हल्ल्यात प्रिन्स गंभीर जखमी झाला असून त्याला तातडीने रुग्णालयात दाखल करण्यात आले. त्याच्या डोक्याला गंभीर जखम झाली असून २ टाके पडले आहेत. पोलिसांनी याप्रकरणी तातडीने हालचाली करत ओम टाले, गौरव हळदे आणि सुमित चव्हाण या तिघांना अटक केली आहे.