हिवरखेड नगरपालिका के श्रेय को लेकर फड़णवीस- पवार में जंग, जनता भ्रमित

अकोल्यातील हिवरखेड ग्रामपंचायतीपासून नगरपरिषदेमध्ये झालेल्या बदलाने स्थानिक नागरिकांचे आयुष्य बदलले की नाही माहित नाही पण श्रेय कोणाचे यावर मात्र राज्याच्या दोन दिग्गज नेत्यांमध्ये जोरदार राजकीय कुस्ती रंगलेली पाहायला मिळाली.. काल हिवरखेड येथे भाजप उमेदवाराच्या प्रचारसभेत बोलताना मुख्यमंत्री देवेंद्र फडणवीस यांनी ठाम शब्दांत दावा केला ,“हिवरखेड ग्रामपंचायत ही नगरपालिका करण्यातलं सर्वात मोठं पाऊल गेल्या 10 वर्षांत आम्हीच उचललं” म्हणजे नगरपरिषदेचा दर्जा मिळवून देण्याचे श्रेय आम्हालाच ,असा संदेशच त्यांनी दिला होता.मात्र आज अकोटमध्ये उपमुख्यमंत्री अजित पवार यांनीही कमी न पडता थेट पलटवार केला.“हिवरखेड नगरपालिका होण्यासाठी आमदार Amol मिटकरी यांच्यामार्फत आम्हीच पुढाकार घेतला". आता दोन्ही नेत्यांचे दावे ऐकून हिवरखेडकरांचा एकच प्रश्न आहे ते म्हणजे नगरपालिका झाली खरी पण श्रेय कुणाला द्यायचं?”महायुतीतच या मुद्द्यावर श्रेयवादाची लढाई तापली असून स्थानिक जनता मात्र गोंधळलेली. कोणी म्हणतं “हिवरखेडला नगरपालिका मिळाली ही चांगली गोष्ट… पण या दोन्हांच्या भांडणामुळे आमचं मनोरंजन पक्कं होतंय”अखेर, फडणवीस की पवार ? नगरपरिषदेचं ‘श्रेय सिंहासन’ कोणाला मिळणार? यावर राजकीय रंगमंचावर सध्या रोमांचक रंगतदार मैफल रंगली आहे.