अजीत पवार ने राम कृष्ण हरि बयान पर माफी मांगी; कहा शब्द गलत था

आपल्या वक्तव्यांमुळे नेहमीच चर्चेत राहणारे उपमुख्यमंत्री अजित पवार पुन्हा एकदा चर्चेत आले आहेत.नगरपरिषद निवडणुकांच्या पार्श्वभूमीवर राज्यभर सभा घेत असताना अंबाजोगाई आणि बीड येथील सभेत त्यांनी केलेल्या ‘राम कृष्ण Hari’ या विधानाची मोठी चर्चा रंगली. या विधानानंतर सभेतून ‘वाजवा तुतारी’ असा प्रतिसादही मिळाला. मात्र ही सभा राष्ट्रवादी काँग्रेसच्या अजित पवार गटाची असल्याने त्यांनी लगेचच या विधानाबाबत स्पष्टीकरण देत सारवासारव केली.दरम्यान, हे वक्तव्य चांगलेच व्हायरल झाल्यानंतर आज अकोल्यातील अकोट येथील जाहीर सभेत अजित पवारांनी याबाबत दिलगिरी व्यक्त केली. “मी अंबाजोगाईला विकासाबाबत बोललो, पण मीडियाने ते वेगळ्या संदर्भात दाखवलं, त्यांचा तो अधिकार आहे. त्या दिवशी चुकीचा शब्द माझ्याकडून वापरला गेला. माझा उद्देश फक्त शहरात स्वच्छता असावी, बकालपणा नसावा एवढाच होता. चुकीचा शब्द वापरला गेल्या बद्दल मी दिलगिरी व्यक्त करतो ”अस अजित पवार म्हणाले.तसेच लोक मला लाखोंच्या मतांनी निवडून देतात, हे सोपं नाही. लोकांना चांगलं काम करणारा नेता हवा असतो,आम्ही ते काम करत आहोत अस ही ते म्हणाले.विकासासाठी मी मदत करतो, पण लोक माझ्या शब्दालाच पकडतात म्हणत अजित पवारांनी खंत व्यक्त केलं.