तुळजापूर नगराध्यक्षपदाची निवडणूक — महंत इच्छागिरी महाराजांची माघार! भाजपामधील बंडखोरी निवळली तुळजापूर – श्री तुळजाभवानी मंदिराचे महंत इच्छागिरी महाराज यांनी निवडणुकीतून नाट्यमय माघार घेतली आहे. प्रसिद्धीपत्रक जारी करून, “पवित्र परंपरेच्या रक्षणासाठी हा निर्णय घेतला” असे त्यांनी स्पष्ट केले. भाजपाने उमेदवारी डावल्यानंतर इच्छागिरी महाराज अपक्ष उमेदवार म्हणून रिंगणात उतरले होते. मात्र आज अचानक माघार घेत, “तुळजापूरची प्रतिमा काही दिवसांपासून वाईट दिशेला वळवण्याचा प्रयत्न सुरू आहे. मतदारांनी काम करणाऱ्या व्यक्तीचीच निवड करावी,” असे आवाहन त्यांनी तुळजापूरकरांना केले.