Anchor - पंढरपूर नगरपालिकेच्या निवडणुकीत भाजपचे माजी आमदार परिचारक यांच्या समोर विरोधी पक्षाचे नेते एकत्र येऊन आघाडी करून आव्हान देण्याच्या तयारीत असल्याने चुरस निर्माण होणार आहे. सर्वसाधारण महिलेसाठी नगराध्यक्ष पद राखीव आहे. यामुळे सलग साडे सात वर्ष नगराध्यक्ष पद भूषवलेल्या सौ साधनाताई नागेश भोसले यांनी कामाच्या जोरावर पुन्हा नगराध्यक्ष पदाची निवडणूक लढण्याची घोषणा केल्याने इतर दोन्ही आघाडी पुढे पेच निर्माण झाला आहे. भोसले यांची मनधरणी करण्याचे प्रयत्न सुरू असले तरी भाजप अथवा तिसऱ्या आघाडीचा प्रयोग करुन नगराध्यक्ष पदाची निवडणूक लढण्यावर माजी नगराध्यक्षा साधनाताई भोसले ठाम आहेत. भोसले यांची उमेदवारी अनेकांची डोकेदुखी वाढवणार आहे. तर परिचारक विरोधी आघाडीने माजी आमदार भारत भालके यांच्या सुनबाई डॉ प्रणिता भालके यांची उमेदवारी नगराध्यक्ष पदासाठी निश्चित केली आहे. परिचारक गट मात्र भाजप की आघाडी याचा निर्णय झाल्यानंतर त्यांचा नगराध्यक्ष पदाचा उमेदवार जाहीर करेल अशी शक्यता आहे.