वाशिम बाजार में सोयाबीन दामों ने किसानों के चेहरों पर मुस्कान ला दी

पश्चिम विदर्भातील सर्वात मोठ्या बाजारपेठेतील वाशिम कृषी उत्पन्न बाजार समितीत सोयाबीनला मिळालेल्या उच्चांकी दरामुळे शेतकऱ्यांमध्ये उत्साहाचं वातावरण आहे. दोन दिवसांपूर्वी वाशिम कृषी उत्पन्न बाजार समितीत सोयाबीन बीजवाई उन्नती या वाणाला तब्बल आठ हजार पाचशे तीस रुपये प्रति क्विंटलचा दर मिळाला. या दरवाढीमुळे वाशिमसह हिंगोली, बुलढाणा, यवतमाळ आणि अकोला जिल्ह्यातील शेतकऱ्यांनी मोठ्या प्रमाणात सोयाबीन विक्रीसाठी वाशिमकडे धाव घेतली आहे. काल सायंकाळपासून बाजार समितीत प्रथमच ३० ते ३२ हजार क्विंटलपेक्षा अधिक सोयाबीनची आवक झाली आहे. बाजार परिसरात ट्रॅक्टर आणि वाहनांच्या लांबच लांब रांगा लागल्या आहेत. सध्या बाजारात दरात चढ-उतार सुरू असून शेतकऱ्यांना नेमका किती दर मिळतो याकडे सर्वांचे लक्ष लागले आहे. वाशिम बाजार समितीतील ही विक्रमी आवक आणि वाढता दर पाहता, आगामी दिवसांत सोयाबीन बाजाराचा कल काय राहतो, हे पाहणं उत्सुकतेचं ठरणार आहे. आमच्या सोयाबीन लवकर लिलाव करुन मोजून घेऊ चांगला दर देण्याची मागणी शेतकऱ्याकडून केली जात आहे.