पर्यावरण संरक्षणासाठी निर्भीडपणे भूमिका मांडणारे, अभ्यासू आणि दूरदृष्टी असलेले विचारवंत आपण गमावले आहेत,” अशा शब्दांत उपमुख्यमंत्री अजित पवार यांनी ज्येष्ठ पर्यावरणतज्ज्ञ डॉ. माधव गाडगीळ यांच्या निधनाबद्दल शोक व्यक्त केला आहे. पर्यावरणविषयक जाणिवा आणि विशेषतः पश्चिम घाटातील जैवविविधतेबाबत समाजात संवेदनशीलता निर्माण करणारे नेतृत्व आज हरपले असल्याची भावना अजित पवार यांनी व्यक्त केली. जैवविविधतेच्या संरक्षणासाठी डॉ. माधव गाडगीळ यांनी भारताच्या सामाजिक आणि पर्यावरणीय जाणीवांना अमूल्य असे योगदान दिले. पर्यावरण संरक्षण, शाश्वत विकास आणि निसर्गसंपत्तीच्या संवर्धनासाठी त्यांनी आयुष्यभर अथक प्रयत्न केले. डॉ. गाडगीळ यांच्या मार्गदर्शनाखाली अनेक पर्यावरण अभ्यासक आणि संशोधक घडले. पश्चिम घाटात होणाऱ्या विकासकामांमुळे तेथील जीवसृष्टी आणि पर्यावरणीय समतोल धोक्यात येऊ शकतो, हा इशारा सर्वप्रथम त्यांनीच प्रशासनाला दिला होता. त्यांच्या या दूरदृष्टीपूर्ण भूमिकेमुळे पर्यावरण संरक्षणाबाबत राष्ट्रीय पातळीवर चर्चा सुरू झाली. अशा शब्दांत उपमुख्यमंत्री अजित पवार यांनी श्रद्धांजली अर्पण केली। बाईट - उपमुख्यमंत्री अजित पवार