शालार्थ आयडी अपहाराची व्याप्ती वाढली; ८४१ नव्हे तर १५३१ बोगस शिक्षकांची भरती अँकर बोगस शालार्थ आयडी दाखवत नाशिक विभागातील नाशिक, जळगाव, धुळे, नंदुरबारमधील शाळा, आश्रमशाळांमध्ये ८४१ बोगस शिक्षक भरती करत शासनाचा १५० कोटींचा अपहार केल्याच्या प्रकरणात आर्थिक गुन्हे शाखेच्या पथकाच्या तपासात बोगस शिक्षक भरतीचा आकडा वाढला असून, आणखी ६९० शिक्षक व शिक्षकेतर कर्मचाऱ्यांची भरती केल्याचे निष्पन्न झाले आहे. यामुळे फसवणुकीच्या आकड्याची रक्कम वाढणार आहे. या प्रकरणाचा मुख्य सूत्रधार तत्कालीन उपसंचालक बी. बी. चव्हाण ४ महिन्यापासून फरार असून त्याच्या मागावर पथक आहे.याप्रकरणी शिक्षण विभागाचे श्रीधर देवरे यांनी दिलेल्या तक्रारीनुसार नाशिक विभागात बनावट शालार्थ आयडी तयार करत बोगस भरती करून शासनाची दीडशे कोटींची फसवणूक झाल्याचे म्हटले आहे. याप्रकरणी नाशिक रोड पोलिस ठाण्यात दाखल गुन्ह्यात तत्कालीन उपसंचालक, संस्थाचालक, मुख्याध्यापक आणि बोगस शिक्षकांसह शिक्षण विभागाचे अधिकारी व कर्मचारी यांच्या विरोधात गुन्हा दाखल केला आहे...