बेळगाव जिल्ह्यातिल श्री रेणुका यल्लम्मा मंदिर येथे भक्तांकडून तब्बल ३ कोटी ७ लाख रुपयांचे विक्रमी दान अर्पण करण्यात आले आहे. यल्लम्मा मंदिरातील दानपेट्यांमधील देणग्यांची अलीकडेच मोजणी करण्यात आली. या मोजणीत एकूण ३.०७ कोटींची देणगी जमा झाल्याचे समोर आले आहे. या देणगीत २.७८ कोटी रोख रक्कम, सुमारे १६.१६ लाख किमतीचे १०० ग्रॅम सोन्याचे दागिने तसेच १२.३५ लाख किमतीचे ४ किलो ५४७ ग्रॅम चांदीचे दागिने यांचा समावेश आहे. दानपेट्यांतील रकमेची मोजणी मंदिर प्रशासनाच्या देखरेखीखाली करण्यात आली. यामध्ये मंदिर कर्मचारी तसेच स्थानिक शाळेतील विद्यार्थ्यांनीही सहभाग घेतला. सौंदत्ती येथील श्री रेणुका यल्लम्मा मंदिर हे दक्षिण भारतातील प्रसिद्ध शक्तीपीठांपैकी एक असून वर्षभर येथे लाखो भाविक दर्शनासाठी येत असतात.