कोल्हापुरातील TET पेपर फुटी प्रकरणाचं कनेक्शन उत्तर भारतापर्यंत असल्याची माहिती तपासात समोर येत आहे. राज्यभर एकाचवेळी झालेल्या शिक्षक पात्रता परीक्षेचा (टीईटी) पेपर फोडणारी टोळी कोल्हापूर पोलिसांनी जेरबंद केली. कोल्हापूर पोलिसांनी धडक कारवाई करीत संपूर्ण टोळी पकडून रॅकेटचा पर्दाफाश केला. या टोळीच्या म्होरक्याला ताब्यात घेऊन पोलीस अधिक तपास करत आहेत. या प्रकरणात आत्तापर्यत एकूण 18 जणांना अटक करण्यात आली आहे. या 18 जणांच्या चौकशीत या प्रकरणाची व्याप्ती उत्तर भारतापर्यंत पोहोचली असल्याचे कोल्हापूर पोलीस अधीक्षक योगेश्वर गुप्ता यांनी सांगितले.