कोल्हापूरच्या मुख्य शहरातून वाहणाऱ्या जयंती नदीचे गेल्या काही वर्षात नाल्यात रूपांतर झालं आहे. त्यामुळे जयंती नदीतील प्रदूषणाचा प्रश्न गंभीर बनला आहे. सध्या जयंती नदीमध्ये मोठ्या प्रमाणावर कचरा sाठला आहे ज्यामध्ये पाण्याच्या बॉटल, प्लास्टिक, मेडिकल वेस्ट आणि इतर साहित्यांचा समावेश आहे. एकीकडे कोल्हापूर महानगरपालिका नालेसफाई वेळेवर करत असल्याचा दावा करत आहे, पण दुसरीकडे जयंती नाल्याची दृश्य पाहिल्यानंतर कोल्हापूर महानगरपालिका प्रशासन नालेसफाई संदर्भात किती कुचकामी ठरले आहे हे दिसून येत आहे. याच जयंती नाल्याचे पाणी विना प्रक्रिया पंचगंगेपर्यंत देखील पोहोचत आहे, त्यामुळे डोळे झाकून बसलेले प्रशासन कधी जागे होणार असा प्रश्न कोल्हापूरकर विचारत आहेत.