भुदरगड तालुक्यातील पाटगावचे माजी सरपंच महेश पिळणकर हे गेल्या दोन महिन्यांपासून बेपत्ता असून अद्यापही त्यांचा ठावठिकाणा लागलेला नाही. या प्रकरणात पोलिसांकडून ठोस कारवाई होत नसल्याचा आरोप करत संविधान हक्क संघर्ष समितीाच्या वतीने कोल्हापुरातील दसरा चौकात निदर्शन झाले. या आंदोलनात महेश पिळणकर यांच्या पत्नी तृप्ती पिळणकर यांच्यासह कुटुंबीय उपस्थित होते. दरम्यान या प्रकरणात पोलिसांनी तत्काळ आणि प्रभावी तपास करावा, तसेच महेश पिळणकर यांचा शोध लावावा या मागणीसाठी संविधान हक्क संघर्ष समितीच्या वतीने कोल्हापूरातील दसरा चौकात निदर्शने करण्यात आली. आंदोलनात पिळणकर कुटुंबीयांसह विविध संघटनांचे कार्यकर्ते सहभागी झाले होते. या आंदोलनात महेश पिळणकर यांचा मुलगा पारस पिळणकर देखील उपस्थित होता. वडिलांचा शोध लावण्यासाठी प्रशासनाने तातडीने कारवाई करावी अशी मागणी त्यांनी यावेळी केली. या प्रकरणात पोलिसांकडून ठोस कारवाई होत नसल्याचा आरोप केला जात आहे. कोल्हापुरात मस्साजोग प्रकरणाची पुनरावृत्ती होतेय का असा सवाल ठाकरे सेनेच्या नेत्यांनी उपस्थित केला आहे. काँग्रेस पक्षाच्या माजी सरपंच दोन महिने गायब आहे, त्यामुळे काँग्रेस पक्षाने देखील आवाज उठवावा अशी मागणी करण्यात येत आहे. दरम्यान पिळणकर यांचे कुटुंबीय आणि आंदोलकांनी कोल्हापूरचे पोलीस अधीक्षक योगेश कुमार गुप्ता यांची भेट घेतली. यावेळी पोलिसांच्या तपासावर प्रश्नचिन्ह उपस्थित करत या प्रकरणाची त्रयस्थ यंत्रणेमार्फत तातडीने चौकशी करावी, अशी मागणी कुटुंबीयांकडून करण्यात आली. यावेळी कोल्हापुरचे पोलीस अधीक्षक योगेश कुमार गुप्ता यांनी महेश पिळणकर प्रकरणाचा तपास योग्य दिशेने सुरू असल्याचं सांगत कुटुंबीयांच्या मागणीचा सकारात्मक विचार केला जाईल, असं आश्वासन दिलं आहे. महेश पिळणकर यांचे नेमकं काय झाले याचे उत्तर कुटुंबीयांकडे नाही, त्यामुळे दररोज कुटुंबीय त्याची वाट पहात आहेत. पोलीस मात्र तपास योग्य दिशेने सुरू असल्याचं सांगत लवकरच महेश पिळणकरांचा शोध घेऊ अस अस्वासन देत आहेत.. पण पोलिसांनी कसव वतीने तपास न करता युद्ध पातळीवर महेश पिळणकर याचे काय झाले ? याचा शोध घेतला पाहिजे. अन्यथा त्यांच्या गायब होण्याचे गूढ वाढतच जाईल.