पैठण में नाथष्ठी: लाखों भक्त हरिनाम के बीच उमड़े श्रद्धालु

मराठवाड्यातील अध्यात्मिक नगरी पैठण येथे नाथषष्ठी निमित्त लाखो वारकऱ्यांची मांदियाळी पाहायला मिळत आहे. राज्याच्या कानाकोपऱ्यातून आलेल्या शेकडो दिंड्या पैठणमध्ये दाखल झाल्या असून संपूर्ण परिसर हरिनामाच्या गजराने दुमदुमून गेला आहे. नाथसंप्रदायाचे संत संत एकनाथ महाराज यांच्या समाधीस्थळामुळे श्रीक्षेत्र पैठणला विशेष धार्मिक महत्त्व आहे. नाथषष्ठी निमित्त दरवर्षी येथे मोठ्या प्रमाणात वारकरी आणि भाविकांची गर्दी उसळते. यंदाही राज्यभरातून शेकडो दिंड्या टाळ-मृदंगाच्या गजरात पैठणमध्ये दाखल झाल्या आहेत. वारकऱ्यांच्या मुखी हरिनाम, हातात भगवे पताके आणि संत एकनाथ महाराजांच्या पालखीचे दर्शन घेण्यासाठी भाविकांची मोठी रांग लागलेली पाहायला मिळत आहे. मंदिर परिसरासह संपूर्ण शहरात भक्तिमय वातावरण निर्माण झाले आहे. वारकऱ्यांच्या सोयीसाठी प्रशासनाकडून पाणी, आरोग्य आणि सुरक्षेची विशेष व्यवस्था करण्यात आली आहे.