भिंगारा घाटातील दरीत ट्रक कोसळला ... दोघांचा मृत्यू अँकर - जळगाव जामोद -बुऱ्हाणपूर मार्गावरील भिंगारा घाटात भीषण अपघात झाला आहे. एका मालवाहू ट्रक दीडशे ते दोनशे फूट खोल दरीत कोसळल्याने हा अपघात झाला. या घटनेत दोन जणांचा मृत्यू झाल्याची माहिती मिळतेय... हा अपघात जळगाव जामोद ते -बुऱ्हाणपूरला जोडणाऱ्या भिंगारा घाटातील एका अत्यंत दुर्गम आणि तीव्र वळणावर घडला. रस्ता अरुंद असल्याने मदतकार्यात अनेक अडचणी येत आहेत. जळगाव जामोद पोलीस तातडीने घटनास्थळी पोहोचले असून, त्यांनी स्थानिकांच्या मदतीने दरीतून मृतदेह बाहेर काढण्याचे काम सुरू केले आहे. ट्रकमध्ये एकूण किती लोक प्रवास करत होते, याबाबत अद्याप कोणतीही अधिकृत माहिती मिळालेली नाही. पोलीस या प्रकरणाची सखोल चौकशी करत असून, मृतांची ओळख पटवण्याचे काम सुरू आहे. या अपघातामुळे घाटातील वाहतूक काही काळ थांबली होती.