भिवंडी मेट्रो अपघात.. तरुणाच्या डोक्यात लोखंडी सळई अडकली... अपघातानंतर एमएमआरडीए प्रशासनास आली जाग... निष्काळजीपणाची जबाबदारी घेणार कोण.. भिवंडीकरांचा संतप्त सवाल... ॲंकर... मंगळवारी दुपारी भिवंडी शहरात झालेल्या भीषण अपघातामुळे मेट्रो प्रकल्पाच्या सुरक्षा व्यवस्थेवर मोठे प्रश्न उपस्थित झाले आहेत. ठाणे-भिवंडी मेट्रो मार्गावरील कामाच्या पहिल्या टप्प्यादरम्यान, वरून एक जड लोखंडी रॉड पडला आणि चालत्या रिक्षा चालवणाऱ्या २० वर्षीय सोनू अली (रा. विठ्ठल नगर) याचे डोके फुटले. सुमारे ५ तासांच्या गुंतागुंतीच्या शस्त्रक्रियेनंतर डॉक्टरांनी सोनूच्या डोक्यातून लोखंडी सळई काढली. सध्या तो आयसीयूमध्ये आहे आणि त्याची प्रकृती स्थिर असल्याचे डॉक्टरांकडून सांगितले जात आहे. विवो-१ अपघातानंतर एमएमआरडीएची जाग आल्याचे चित्र दिसून येत आहे. घटनेनंतर लगेचच एमएमआरडीए विभागाने काम सुरू केले आणि कर्मचाऱ्यांना तैनात करून मेट्रो स्टेशन आणि मार्गावर बाहेर पडणाऱ्या सर्व लोखंडी सळई व इतर टाकाऊ वस्तू कापण्याचे काम सुरू केले. मात्र स्थानिक नागरिकांतून संतापाची लाट कायम. अपघात झाल्यानंतर कारवाई करण्याचा काय अर्थ आहे? एमएमआरडीए लोकांच्या जीवाशी किती काळ खेळत राहणार? असा संतप्त सवाल भिवंडीतील जनता करत आहे. नागरिकांचे म्हणणे आहे की जर सुरक्षा जाळ्या आणि खबरदारी आधी बसवली असती तर सोनू आज मृत्यूशी झुंजत राहिला नसता. भिवंडीतील जनतेतून विचारले जात आहे की एमएमआरडीएला अपघातानंतरच सुरक्षा व्यवस्था आठवतात का? या निष्काळजीपणाची जबाबदारी कोणी घेईल का? मेट्रोच्या वेगाची किंमत भिवंडीतील रहिवाशांच्या जीवातून वसूल केली जाईल का? असा सवाल देखील उपस्थित केला जात आहे. या अपघातात जखमी झालेल्या तरूणाला संबंधित प्रशासनाकडून नुकसान भरपाई व उपचाराचा संपूर्ण खर्च द्यावा अशी ही मागणी होत आहे.