Anchor - दुबईमध्ये कामासाठी गेलेल्या युवकाचा आजारामुळे मृत्यू झाला. या युवकाचा मृतदेह त्याच्या मूळ गावी पोहोचवण्यासाठी मुख्यमंत्री देवेंद्र फडणवीस यांनी मोलाचे सहकार्य केल्याने युवकाचा मृत्यु त्याच्या गावी पोहोचू शकला. नांदेड जिल्ह्यातील किनवट तालुक्यातील अतिदुर्गम भाग असलेल्या अप्पाराव पेठ येथील 27 वर्षीय युवक श्याम अंगरवार काही महिन्यापूर्वी कामासाठी दुबईमध्ये गेला होता. दुबईत गेल्यावर तो आजारी पडला. उपचार सुरु असताना 3 ऑक्टोबर रोजी त्याचा मृत्यू झाला. त्याचा मृत्यू झाल्याची माहिती 5 ऑक्टोबर रोजी कुटुंबाला कळली. मृतदेह मूळ गावी कसा आणायचा हा मोठा प्रश्न होता. भाजपचे आमदार भीमराव केराम यांनी मुख्यमंत्री देवेंद्र फडणवीस यांच्याशी संपर्क करून माहिती दिली. मुख्यमंत्र्यांनी तात्काळ सर्वतोपारी मदत करण्याच्या सूचना त्यांच्या कार्यालयाला केल्या. नांदेड जिल्हाधिकारी कर्डीले, आमदार केराम यांचे स्वीय सहाय्यक तथा दिल्लीतील राष्ट्रीय जनजाती आयोगाचे वरिष्ठ अनवेशक गोवर्धन मुंडे यांनी परराष्ट्र मंत्रालयाशी सातत्याने संपर्क ठेऊन युवकाचा मृतदेह गावी आणण्यासाठी प्रयत्न केले. अखेर आठ दिवसानंतर काल सायंकाळी श्याम चा मृतदेह मूळ गावी अप्पाराव पेठ येथे पोहोचला. श्यामच्या पार्थिव देहावर काल अंत्यसंस्कार करण्यात आले. मुख्यमंत्र्यांनी केलेल्या सहकार्याबद्दल गावकऱ्यांनी त्यांचे आभार मानले.