જામનગરમાં દર વર્ષની પરંપરા મુજબ આ વર્ષે પણ દશેરાના પાવન પર્વ નિમિત્તે અસત્ય પર સત્યના વિજય સ્વરૂપ સમાન રાવણ દહન કાર્યક્રમનું ભવ્ય આયોજન કરવામાં આવ્યું હતું. જેમાં રાજકીય આગેવાનો, સંતો મહંતો અને નગરજનો ખૂબ મોટી સંખ્યામાં ઉપસ્થિત રહ્યા હતા. જામનગર શહેરના પ્રદર્શન ગ્રાઉન્ડ ખાતે ગઈકાલે મોડી સાંજે રાવણ દહનનો કાર્યક્રમ યોજવામાં આવ્યો તે પૂર્વે વિવિધ વેશભૂષાઓ સાથેના પાત્રો સાથેની ભવ્ય રામ સવારી જામનગરના રાજમાર્ગો પર નીકળી હતી અને મોડી સાંજના આ રામ સવારી પ્રદર્શન ગ્રાઉન્ડ ખાતે આવી પહોંચતા રામ અને રાવણનું યુદ્ધ થયા બાદ રાવણ દહનનો ભવ્ય કાર્યક્રમ યોજવામાં આવ્યો હતો. પ્રદર્શન ગ્રાઉન્ડમાં આશરે 40 ફૂટના ઊંચાઈ ધરાવતા ઊભા કરવામાં આવેલા રાવણ, મેઘનાદ અને કુંભકર્ણના પૂતળાઓનું દહન કરવામાં આવ્યું હતું. દર વર્ષની પરંપરા મુજબ આ વર્ષે પણ સિંધી સમાજ દ્વારા સમગ્ર કાર્યક્રમનું આયોજન વહીવટી તંત્ર સાથે રહીને કરવામાં આવ્યું હતું. આ કાર્યક્રમમાં jamnagar અને દેવભૂમિ દ્વારકા જિલ્લોના સાસદ પૂનમબેન માડમ તથા મેયર વિનોદભાઈ ખીમસુરીયા, ધારાસભ્ય દિવ્યેશેભાઈ અકબરી અને રિવાબા જાડેજા તથા શહેર જિલ્લા ભાજપ અધ્યક્ષ અને મનપાના પદાધિકારીઓ, અધિકારીઓ તેમજ સંતો મહંતો અને શહેરિજનો ખૂબ મોટી સંખ્યામાં ઉપસ્થિત રહ્યા હતા. જયારે પોલીસનો પણ બંદોબસ્ત રાખવામાં આવ્યો હતો અને કોઈ આગની ઘટના ન થાય તે માટે ફાયરની ટીમ પણ ખડે પગે રહી હતી. બાઈટ : પૂનમબેન માડમ ( સાંસદ - જામનગર અને દેવભૂમિ દ્વારકા જિલ્લો )