SLUG - 1509ZK_LIVE_RJT_VOKLO_MOT REP - GAURAV DAVE CAM - UDAY PAWAR FEED - TVU 75 & WHATSAPP એન્કર - રાજકોટ શહેરના વોર્ડ નંબર 7 માં આવેલા ગવલીવાળના વોંકળામાં ખાબકી જવાથી 28 વર્ષીય યુવકનું કરુણ મોત નીપજ્યું છે. મૃતક યુવકનું નામ સર્જીલ સોલંકી હોવાનું સામે આવ્યું છે. મૃતક રાત્રિના સમયે વોંકળામાં અજાણતા ખાબકી ગયો હતો અને પાણીમાં ગુંગળાઈ જવાના કારણે તેનું મોત થયું હોવાનું સામે આવ્યું છે. આ ઘટનાએ તંત્રની બેદરકારી પર અનેક સવાલો ઉભા કર્યા છે. કારણ કે છેલ્લા 4 મહિનાથી આ વોંકળાનું કામ અધૂરું પડ્યું હતું. એક તરફથી વોર્ડ નંબર 7 ના કોર્પોરેટર નેહલ શુક્લ દ્વારા પોતાની ફેસબુક વોલ પર પોસ્ટ કરવામાં આવી છે કે, તેમની પાસે 20 લાખ રૂપિયાની ગ્રાન્ટ પડી છે. સ્થાનિકોને પોતાના વિસ્તારમાં વિકાસ લક્ષી કાર્યો સૂચવવા પોસ્ટ કરવામાં આવી છે. તો બીજી તરફ જૂના કામો 4 મહિના બાદ પણ હજુ અપૂર્ણ છે. ત્યારે આ દુઃખદ ઘટના બાદ સ્ટેન્ડિંગ કમિટીના ચેરમેન જયમીન ઠાકરે નિવેદન આપ્યું હતું કે, આ સમગ્ર મામલે તપાસના આદેશ આપવામાં આવ્યા છે. મેં ઘટનાના સીસીટીવી ફૂટેજ પણ જોયા છે, અને પ્રાથમિક તપાસમાં કોન્ટ્રાક્ટરની ગંભીર બેદરકારી સામે આવી છે. કોન્ટ્રાક્ટર સામે પેનલ્ટી ફટકારવા અને અન્ય દંડાત્મક કાર્યવાહી કરવામાં આવશે. આ ઉપરાંત, કાયદાકીય પ્રક્રિયાનો અભ્યાસ કરીને કડક પગલાં પણ લેવામાં આવશે. આ ઘટનાએ સ્થાનિક લોકોમાં ભારે રોષ પેદા કર્યો છે, અને તેઓ વહેલી તકે આવા અધૂરા કામો પૂર્ણ કરવાની માંગ કરી રહ્યા છે, જેથી ભવિષ્યમાં આવા કોઈ અકસ્માતો ન બને. ટિકટેક : સ્થાનિકો સાથે ગૌરવ દવે બાઈટ : જયમીન ઠાકર, ચેરમેન, સ્ટેન્ડિંગ કમિટી, મનપા, રાજકોટ