జూడా డిమాండ్: ఉస్మానియా ఆసుపత్రికి కొత్త భవనం కోసం ర్యాలీ

ఉస్మానియా ఆస్పత్రిలో కొత్త భవనం కోసం జూనియర్ డాక్టర్ల సంఘం (జూడా) ర్యాలీ నిర్వహించింది. ప్రస్తుత సామర్థ్యానికి మించి రోగులకు చికిత్స అందిస్తున్నామని, ఒక్కో బెడ్‌పై ఇద్దరు-ముగ్గురు రోగులను చూడాల్సి వస్తోందని వారు తెలిపారు. పాత భవనంలో చికిత్సలు ఆపివేసిన తర్వాత స్థలం సరిపోవడం లేదని, కొత్త భవనం నిర్మాణం వరకు పోరాటం కొనసాగిస్తామని జూడా సభ్యులు పేర్కొన్నారు. ప్రభుత్వం కొత్త ప్రాంతాలను ఎంపిక చేసినట్లు సమాచారం ఉన్నా, దీనిపై స్పష్టమైన ప్రకటన కావాలని వారు డిమాండ్ చేశారు.