ज़ीर्कपुर में गौ-लापरवाही से सड़क हादसे, राजवीर ज्वांदा की मौत पर नागरिकों से सुधार माँग

ਜ਼ੀਰਕਪੁਰ ਸ਼ਹਿਰ ਵਿੱਚ ਹਰ ਸਾਲ ਨਗਰ ਕੌਂਸਲ ਵੱਲੋਂ 'ਕਾਊ ਸੈੱਸ' ਦੇ ਨਾਮ 'ਤੇ ਕਰੋੜਾਂ ਰੁਪਏ ਵਸੂਲੇ ਜਾਂਦੇ ਹਨ, ਪਰ ਸ਼ਹਿਰ ਦੀ ਅਸਲ ਹਕੀਕਤ ਕੁਝ ਹੋਰ ਹੀ ਕਹਾਣੀ ਦੱਸਦੀ ਹੈ। ਸੜਕਾਂ 'ਤੇ ਖੁੱਲ੍ਹੇਆਮ ਘੁੰਮ ਰਹੀਆਂ ਗਾਂਵਾਂ ਤੇ ਆਵਾਰਾ ਪਸ਼ੂ ਹਰ ਰੋਜ਼ ਹਾਦਸਿਆਂ ਦਾ ਕਾਰਨ ਬਣ ਰਹੇ ਹਨ। ਨਾਗਰਿਕਾਂ ਦਾ ਕਹਿਣਾ ਹੈ ਕਿ ਜਦੋਂ ਉਹ ਟੈਕਸ ਦਿੰਦੇ ਹਨ ਤਾਂ ਨਗਰ ਕੌਂਸਲ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਸੜਕਾਂ ਨੂੰ ਸੁਰੱਖਿਅਤ ਰੱਖਿਆ ਜਾਵੇ ਅਤੇ ਪਸ਼ੂਆਂ ਨੂੰ ਗੋਸ਼ਾਲਿਆਂ ਵਿੱਚ ਭੇਜਿਆ ਜਾਵੇ। ਪਰ ਹਾਲਾਤ ਇਸਦੇ ਉਲਟ ਹਨ — ਹਰ ਗਲੀ ਤੇ ਮੁੱਖ ਸੜਕ 'ਤੇ ਪਸ਼ੂ ਬੈਠੇ ਦਿਖਾਈ ਦਿੰਦੇ ਹਨ। ਹਾਲ ਹੀ ਵਿੱਚ ਮਸ਼ਹੂਰ ਪੰਜਾਬੀ ਗਾਇਕ ਰਾਜਵੀਰ ਜਵਾਂਦਾ ਦੀ ਸੜਕ ਹਾਦਸੇ ਵਿੱਚ ਮੌਤ ਤੋਂ ਬਾਅਦ ਇਹ ਮੁੱਦਾ ਮੁੜ ਚਰਚਾ ਵਿੱਚ ਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹਾਦਸੇ ਵੇਲੇ ਸੜਕ 'ਤੇ ਖੜ੍ਹੇ ਪਾਲਤੂ ਪਸ਼ੂ ਇਸ ਦਾ ਕਾਰਨ ਬਣੇ। ਸਥਾਨਕ ਨਿਵਾਸੀਆਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ 'ਕਾਊ ਸੈੱਸ' ਦਾ ਸਹੀ ਉਪਯੋਗ ਕੀਤਾ ਜਾਵੇ, ਸ਼ਹਿਰ ਵਿੱਚ ਪਸ਼ੂ ਫੜਨ ਵਾਲੀਆਂ ਟੀਮਾਂ ਨਿਯਮਿਤ ਗਸ਼ਤ ਕਰਨ ਅਤੇ ਗੋਸ਼ਾਲਿਆਂ ਦੀ ਸਹੂਲਤ ਨੂੰ ਬਿਹਤਰ ਬਣਾਇਆ ਜਾਵੇ, ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਕਿਸੇ ਦੀ ਜਾਨ ਇਸ ਲਾਪਰਵਾਹੀ ਦੀ ਭੰੇਟ ਨਾ ਚੜ੍ਹੇ。