जीरकपुर में शराब पार्टी के दौरान दोस्त ने कार से कुचलकर हत्या, आरोपी फरार

ਜੀਰਕਪੁਰ ਜੀਰਕਪੁਰ ਦੇ ਓਲਡ ਕਾਲਕਾ ਰੋਡ 'ਤੇ ਬੀਤੀ ਦੇਰ ਰਾਤ ਸ਼ਰਾਬ ਪਾਰਟੀ ਦੌਰਾਨ ਹੋਏ ਝਗੜੇ ਵਿੱਚ ਇੱਕ ਨੌਜਵਾਨ ਦੀ ਉਸਦੇ ਆਪਣੇ ਹੀ ਦੋਸਤ ਵੱਲੋਂ ਕਾਰ ਚੜ੍ਹਾ ਕੇ ਕੁਚਲ ਦੇਣ ਦੀ ਘਟਨਾ ਸਾਹਮਣੀ ਆਈ ਹੈ। ਮ੍ਰਿਤਕ ਦੀ ਪਛਾਣ ਜ਼ੀਰਕਪੁਰ ਦੇ ਪ੍ਰੀਤ ਕਾਲੋਨੀ ਨਿਵਾਸੀ ਹਰਪ੍ਰੀਤ ਸਿੰਘ ਵਜੋਂ ਹੋਈ ਹੈ, ਜਿਸ ਨੂੰ ਉਸਦੇ ਦੋਸਤ ਸਾਹਿਲ ਨੇ ਕਾਰ ਨਾਲ ਕੁਚਲ ਦਿੱਤਾ। ਜਾਣਕਾਰੀ ਮੁਤਾਬਕ, ਹਰਪ੍ਰੀਤ ਬੀਤੀ ਰਾਤ ਰਲ ਆਪਣੇ ਭਰਾ ਅਨਿਲ ਕੁਮਾਰ ਅਤੇ ਦੋਸਤਾਂ ਸਮੇਤ ਓਲਡ ਕਾਲਕਾ ਰੋਡ ਸਥਿਤ ਸ਼ਰਾਬ ਦੇ ਠੇਕੇ ਤੇ ਮੌਜੂਦ ਸੀ। ਥੋੜੀ ਦੇਰ ਬਾਅਦ ਸਾਹਿਲ ਵੀ ਉਥੇ ਆਪਣੀ ਕਾਰ ਸਮੇਤ ਪਹੁੰਚ ਗਿਆ। ਤਿੰਨਾਂ ਨੇ ਇੱਕਠੇ ਸ਼ਰਾਬ ਪੀ। ਰਾਤ ਨੂੰ ਘਰ ਜਾਣ ਨੂੰ ਲੈ ਕੇ ਉਨ੍ਹਾਂ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਤਕਰਾਰ ਹੋ ਗਈ ਜਿਸਤੋਂ ਬਾਅਦ ਗੁੱਸੇ ਵਿੱਚ ਆਏ ਸਾਹਿਲ ਨੇ ਮ੍ਰਿਤਕ ਹਰਪ੍ਰੀਤ ਨੂੰ ਗੱਡੀ ਹੇਠ ਦਰੜ ਦਿੱਤਾ। ਘਟਨਾ ਤੋਂ ਬਾਅਦ ਸਾਹਿਲ ਕਾਰ ਸਮੇਤ ਮੌਕੇ ਤੋਂ ਫਰਾਰ ਹੋ ਗਿਆ। ਰਾਹਗੀਰਾਂ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ ਜੋਂ ਥਾਣਾ ਜੀਰਕਪੁਰ ਦੀ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਲਾਸ਼ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜੀ। ਪੁਲਿਸ ਨੇ ਮ੍ਰਿਤਕ ਦੇ ਭਰਾ ਅਨਿਲ ਕੁਮਾਰ ਦੇ ਬਿਆਨ 'ਤੇ ਆਰੋਪੀ ਸਾਹਿਲ ਖ਼ਿਲਾਫ਼ BNS ਦੀ ਧਾਰਾਵਾਂ 281 ਅਤੇ 106 ਹੇਠ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਫਰਾਰ ਆਰੋਪੀ ਦੀ ਤਲਾਸ਼ ਜਾਰੀ ਹੈ।