Become a News Creator

Your local stories, Your voice

Follow us on
Download App fromplay-storeapp-store
Advertisement
Back
Sri Muktsar Sahib152026

ਪਿੰਡ ਦੇ ਵਿਕਾਸ ਕਾਰਜਾਂ 'ਚ ਲੱਖਾਂ ਦੀ ਬਰਬਾਦੀ, ਸਰਕਾਰ ਨੂੰ ਜਵਾਬ ਦੇਣ ਦੀ ਲੋੜ!

ASAnmol Singh Warring
Jul 09, 2025 10:33:08
Sri Muktsar Sahib, Punjab
ਵਿਕਾਸ ਕਾਰਜਾਂ ਦੇ ਨਾਂ ਤੇ ਲੱਖਾਂ ਰੁਪਏ ਹੋ ਰਹੇ ਹਨ ਮਿੱਟੀ ਪਿੰਡ ਵਾਸੀਆਂ ਵੱਲੋਂ ਉੱਚ ਪੱਧਰੀ ਜਾਂਚ ਦੀ ਮੰਗ ਦੋਦਾ, ਇੱਕ ਪਾਸੇ ਪੰਜਾਬ ਸਰਕਾਰ ਵੱਲੋਂ ਪਿੰਡਾਂ ਦੇ ਵਿਕਾਸ ਕਾਰਜਾਂ 'ਤੇ ਕਰੋੜਾਂ ਰੁਪਏ ਖ਼ਰਚੇ ਜਾ ਰਹੇ ਹਨ, ਪਰ ਦੂਜੇ ਪਾਸੇ ਸਬੰਧਤ ਮਹਿਕਮੇ ਅਤੇ ਠੇਕੇਦਾਰਾਂ ਦੀ ਕਥਿਤ ਮਿਲੀਭੁਗਤ ਨਾਲ ਇਹ ਲੱਖਾਂ ਰੁਪਏ ਮਿੱਟੀ ਹੋ ਰਹੇ ਹਨ।ਅਜਿਹਾ ਹੀ ਇੱਕ ਮਾਮਲਾ ਪਿੰਡ ਭੁੱਟੀਵਾਲਾ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਪਿੰਡ 'ਚ ਛੱਪੜ ਦੇ ਹੋ ਰਹੇ ਨਵੀਨੀਕਰਨ 'ਚ ਹੱਦ ਦਰਜੇ ਦਾ ਘਟੀਆ ਕਿਸਮ ਦੇ ਮਟੀਰੀਅਲ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮੌਜੂਦਾ ਪੰਚਾਇਤ ਮੈਂਬਰ ਜੋਰਾ ਸਿੰਘ ਅਤੇ ਪਿੰਡ ਵਾਸੀਆਂ ਗੁਰਮੀਤ ਸਿੰਘ, ਜਗਦੇਵ ਕੁਮਾਰ, ਬਲਦੇਵ ਸ਼ਰਮਾ, ਮੰਗਾ ਕੁਮਾਰ, ਨਿਰਮਲ ਸਿੰਘ ਨੇ ਦੱਸਿਆ ਕਿ ਸਾਡੇ ਪਿੰਡ ਵਿੱਚ ਛੱਪੜ ਦਾ ਨਵੀਨੀਕਰਨ ਥਾਪਰ ਮਾਡਲ ਤਹਿਤ ਹੋ ਰਿਹਾ ਹੈ ਜਿਸ ਲਈ ਕਰੀਬ 20 ਲੱਖ ਰੁਪਏ ਦੀ ਗ੍ਰਾਂਟ ਜਾਰੀ ਕੀਤੇ ਗਏ ਹਨ । ਪਰ ਅਫਸੋਸ ਇਸ ਛੱਪੜ 'ਤੇ ਚਲ ਰਹੇ ਕੰਮ 'ਚ ਅੱਤ ਦਰਜੇ ਦਾ ਘਟੀਆ ਮਟੀਰੀਅਲ ਵਰਤਿਆ ਜਾ ਰਿਹਾ ਹੈ, ਜਿਸ ਦੀ ਉਨ੍ਹਾਂ ਵੱਲੋਂ ਇੱਕ ਲਿਖਤੀ ਸ਼ਿਕਾਇਤ ਮਾਨਯੋਗ ਡਿਪਟੀ ਕਮਿਸ਼ਨਰ ਸ੍ਰੀ ਮੁਕਤਸਰ ਸਾਹਿਬ ਨੂੰ ਵੀ ਦਿੱਤੀ ਗਈ ਹੈ। ਉਨ੍ਹਾਂ ਅੱਗੇ ਦੱਸਿਆ ਕਿ ਜੋ ਇਸ ਵਿਕਾਸ ਕਾਰਜ ਲਈ ਇੱਟ ਵਰਤੀ ਜਾ ਰਹੀ ਉਹ ਬਹੁਤ ਜ਼ਿਆਦਾ ਘਟੀਆ ਕੁਆਲਿਟੀ ਦੀ ਹੈ ਅਤੇ ਇਸ ਇੱਟ ਦੀ ਚਿਣਾਈ ਵੀ ਬਿਨਾਂ ਸੀਮਿੰਟ ਅਤੇ ਬਿਨਾਂ ਕੁਟਾਈ ਕੀਤੇ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਜਦ ਉਨ੍ਹਾਂ ਛੱਪੜ ਦਾ ਨਿਰਮਾਣ ਕਰ ਰਹੇ ਮਜ਼ਦੂਰਾਂ ਅਤੇ ਮੌਕੇ ਤੇ ਮੌਜੂਦ ਮੁਲਾਜ਼ਮਾਂ ਨੂੰ ਕੰਮ ਰੋਕਣ ਲਈ ਕਿਹਾ ਤਾਂ ਉਨਾਂ ਕੰਮ ਰੋਕਣ ਦੀ ਬਜਾਏ ਹੋਰ ਇੱਟ ਲੁਹਾ ਲਈ ਤੇ ਘਟੀਆ ਇੱਟ ਨਾਲ ਹੀ ਛੱਪੜ ਦੇ ਕਿਨਾਰੇ ਵਾਲਾ ਬੈੱਡ ਬਣਾਉਣ ਲੱਗ ਗਏ ।ਉਹਨਾਂ ਦੱਸਿਆ ਕਿ ਜੋ ਇੱਟਾਂ ਲਈ ਬੈੱਡ ਬਣਾਇਆ ਉਸ ਤੇ ਵੀ ਰੇਤਾ ਹੀ ਲਗਾਇਆ ਜਾ ਰਿਹਾ ਜਦਕਿ ਸੀਮੈਂਟ ਤਾਂ ਲਾਉਂਦੇ ਹੀ ਨਹੀ। ਇਸ ਮੌਕੇ ਇੱਕਤਰ ਹੋਏ ਪਿੰਡ ਵਾਸੀਆਂ ਨੇ ਡੀ ਸੀ ਸ੍ਰੀ ਮੁਕਤਸਰ ਸਾਹਿਬ ਅਤੇ ਸਬੰਧਤ ਵਿਭਾਗ ਦੇ ਉੱਚ ਅਧਿਕਾਰੀਆਂ ਤੋਂ ਪੁਰਜ਼ੋਰ ਮੰਗ ਕੀਤੀ ਹੈ ਕਿ ਇਹ ਕੰਮ ਰੋਕਿਆ ਜਾਵੇ ਅਤੇ ਕਥਿਤ ਤੌਰ ਤੇ ਭ੍ਰਿਸ਼ਟਾਚਾਰ ਕਰਨ ਬਣਦੀ ਕਾਰਵਾਈ ਹੋਵੇ।ਉਹਨਾਂ ਦੱਸਿਆ ਕਿ ਜੋ ਬੈੱਡ ਕੁਝ ਸਮਾਂ ਪਹਿਲਾ ਬਣਾਇਆ ਸੀ ਉਹ ਵੀ ਪਹਿਲੇ ਮੀਂਹ ਨਾਲ ਟੁੱਟ ਗਿਆ ।
14
Report

For breaking news and live news updates, like us on Facebook or follow us on Twitter and YouTube . Read more on Latest News on Pinewz.com

Advertisement
Advertisement
Back to top