ਅਮਰੀਕਾ ਤੇ ਇਰਾਨ ਦੇ ਵਿਚਕਾਰ ਚੱਲ ਰਹੇ ਯੁੱਧ ਤੋਂ ਬਾਅਦ ਪੈਟਰੋਲਿੰਗ ਪਦਾਰਥਾਂ ਦੀ ਕਾਫੀ ਕਿੱਲਤ ਮਹਿਸੂਸ ਕੀਤੀ ਜਾ ਰਹੀ ਹੈ ਜਿਸ ਕੇ ਚਲਦੇ ਹਾਲਾਂਕਿ ਪੈਟਰੋਲ ਪੰਪਾਂ ਵਿੱਚ ਕੋਈ ਜਿਆਦਾ ਦਿੱਕਤ ਨਹੀਂ ਪਰ ਗੈਸ ਘਰੇਲੂ ਗੈਸ ਅਤੇ ਕਮਰਸ਼ਿਅਲ ਗੈਸ ਨੂੰ ਲੈ ਕੇ ਕਾਫੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਆਉਣ ਵਾਲੇ ਦਿਨਾਂ ਵਿੱਚ ਘਰੇਲੂ ਗੈਸ ਅਤੇ ਕਮਰਸ਼ੀਅਲ ਗੈਸ ਦੀ ਕਿੱਲਤ ਵਧਣ ਦੇ ਚਲਦੇ ਲੋਕਾਂ ਨੂੰ ਦਿੱਕਤ ਆ ਸਕਦੀ ਹੈ। ਜਿਸ ਦੇ ਚਲਦੇ ਗੈਸ ਏਜੰਸੀਆਂ ਦੇ ਬਾਹਰ ਲੋਕਾਂ ਦੀਆਂ ਲੰਮੀਆਂ ਲੰਮੀਆਂ ਕਤਾਰਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਇੱਥੇ ਇਹ ਵੀ ਦੇਖਣ ਨੂੰ ਮਿਲ ਰਿਹਾ ਹੈ ਕਿ ਲੋਕ ਗੈਸ ਦੀ ਕਿੱਲਤ ਨੂੰ ਦੇਖਦੇ ਹੋਏ ਇੰਡਕਸ਼ਨ ਚੁੱਲ੍ਹੇ ਵੀ ਵੱਧ ਤੋਂ ਵੱਧ ਖਰੀਦ ਰਹੇ ਹਨ ਜੋ ਬਿਜਲੀ ਤੇ ਚੱਲਦੇ ਹਨ। ਅੱਜ ਜਦ ਜਮੀਨੀ ਪੱਧਰ ਤੇ ਜਾਕੇ ਹਕੀਕਤ ਜਾਣਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਲੋਕ ਪਹਿਲਾਂ ਨਾਲੋਂ ਜਿਆਦਾ ਗਿਣਤੀ ਵਿੱਚ ਇੰਡਕਸ਼ਨ ਚੁੱਲਿਆ ਦੀ ਖਰੀਦ ਕਰ ਰਹੇ ਹਨ। ਉੱਥੇ ਦੁਕਾਨਦਾਰਾਂ ਦਾ ਕਹਿਣਾ ਕਿ ਜਿੱਥੇ ਪਹਿਲਾਂ ਦਿਨ ਵਿੱਚ ਦੋ ਚੁੱਲ੍ਹੇ ਵਿਕਦੇ ਸਨ ਹੁਣ ਦਿਨ ਵਿੱਚ 10 ਤੋਂ 15 ਚੁੱਲੇ ਵਿਕਦੇ ਹਨ। ਉਹਨਾਂ ਕਿਹਾ ਕਿ ਹਾਲੇ ਤੱਕ ਉਹਨਾਂ ਕੋਲ ਸਟੋਕ ਵਿੱਚ ਕਾਫੀ ਚੁੱਲੇ ਹਨ ਪਰ ਪਿੱਛੋਂ ਕੰਪਨੀਆਂ ਨੇ ਐਲਾਨ ਕਰ ਦਿੱਤਾ ਕਿ ਜੋ ਅਗਲਾ ਸਟੋਕ ਆਏਗਾ ਉਹਨਾਂ ਨੂੰ ਵਧੇ ਰੇਟ ਤੇ ਮਿਲੇਗਾ ਇਸ ਕਰਕੇ ਆਉਣ ਵਾਲੇ ਦਿਨਾਂ ਵਿੱਚ ਇੰਡਕਸ਼ਨ ਚੁੱਲਿਆਂ ਦਾ ਰੇਟ ਵੀ ਵੱਧ ਸਕਦਾ ਹੈ। ਉਧਰ ਗੈਸ ਏਜੰਸੀ ਦੇ ਬਾਹਰ ਖੜੇ ਲੋਕਾਂ ਨੇ ਕਿਹਾ ਕਿ ਜੋ ਪਹਿਲਾਂ ਸਲੰਡਰ ਆਮ ਮਿਲ ਜਾਂਦਾ ਸੀ ਡਿਮਾਂਡ ਦੇ ਅਨੁਸਾਰ ਉਹ ਹੁਣ ਬੁਕਿੰਗ ਤੋਂ ਬਿਨਾਂ ਨਹੀਂ ਮਿਲਦਾ ਜਿਸ ਕਰਕੇ ਉਹਨਾਂ ਨੂੰ ਵੱਡੀਆਂ ਦਿੱਕਤਾਂ ਆ ਰਹੀਆਂ ਨੇ। ਦੂਜੇ ਪਾਸੇ ਗੈਸ ਦੇ ਰੇਟ ਵੀ ਵੱਧ ਗਏ ਹਨ ਅਤੇ ਮਿਲੇਗਾ ਵੀ 45 ਦਿਨ ਦੇ ਬਾਅਦ ਜਿਸ ਦੇ ਚਲਦੇ ਇੱਕ ਡਰ ਦਾ ਮਾਹੌਲ ਜਰੂਰ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਗੈਸ ਦੀ ਕਿੱਲਤ ਆ ਸਕਦੀ ਹੈ। ਇਸ ਸੰਬੰਧ ਵਿੱਚ ਗੈਸ ਏਜੰਸੀ ਮਾਲਕ ਨੇ ਕਿਹਾ ਕਿ ਕੰਪਨੀ ਵੱਲੋਂ ਸਪਲਾਈ ਆਮ ਦੀ ਤਰ੍ਹਾਂ ਦਿੱਤੀ ਜਾ ਰਹੀ ਹੈ ਪਰ ਥੋੜੇ ਰੂਲ ਜਰੂਰ ਸਖਤ कर दिए ਹਨ ਕਿ ਬਿਨਾਂ ਕੇਵਾਈਸੀ ਅਤੇ ਬਿਨਾਂ ਬੁਕਿੰਗ ਤੇ ਕਿਸੇ ਨੂੰ ਵੀ ਸਿਲੰਡਰ ਨਹੀਂ ਮਿਲੇਗਾ ਅਤੇ ਜੋ ਸਲੰਡਰ ਪਹਿਲਾਂ 25 ਦਿਨ ਬਾਅਦ ਬੁੱਕ ਹੋਣਾ ਸੀ ਹੁਣ ਉਸਦਾ ਰੂਲ ਬਦਲ ਕੇ 45 ਦਿਨ ਕਰ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਜੇਕਰ ਕੋਈ ਅੱਜ ਬੁੱਕ ਕਰਾਉਂਦਾ ਹੈ ਤਾਂ ਅਗਲੇ ਦਿਨ ਉਹਨਾਂ ਦੇ ਘਰੇ ਵੀ ਸਿਲੰਡਰ ਦੀ ਸਪਲਾਈ ਮਿਲ ਜਾਂਦੀ ਹੈ ਇਸ ਲਈ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ ਰੂਟੀਨ ਦੇ ਵਿੱਚ ਸਲੰਡਰ ਦੀ ਸਪਲਾਈ ਹੋ ਰਹੀ ਹੈ।