कामरगाव शाळेची जीर्ण इमारत, विद्यार्थ्यांचे जीवन धोक्यात!

वाशिम: File:2506ZT_WSM_SCHOOL_BUILDING रिपोर्टर:गणेश मोहळे,वाशिम  अँकर : वाशिमच्या कारंजा तालुक्यातील कामरगाव येथील जिल्हा परिषद माध्यमिक विद्यालयातील विद्यार्थ्यांचे शिक्षण सध्या जर्जर इमारतीच्या छताखाली सुरू आहे. 1956 साली बांधलेली ही शाळा आज 68-69 वर्षांची झाली असून, शाळेची इमारत पूर्णपणे जीर्णावस्थेत पोहोचली आहे.या शाळेत दररोज बाराशेहून अधिक विद्यार्थी शिक्षण घेत आहेत आणि तब्बल 45 शिक्षक या मोडकळीस आलेल्या इमारतीत विद्यार्थ्यांना शिक्षणाचे धडे देत आहेत. इमारतीची स्थिती इतकी खराब आहे की, केव्हाही कोसळण्याची शक्यता नाकारता येत नाही.विशेष म्हणजे, 2016-17 मध्ये कामरगावच्या रामनगर भागात 20 ते 22 वर्गखोल्यांची नवी शाळा इमारत बांधून तयार झाली आहे. मात्र गेल्या नऊ वर्षांपासून ही इमारत वापरात आणली गेलेली नाही. सद्यस्थितीत ही नवीन इमारत धुळखात पडून आहे आणि त्यात गावकऱ्यांनी अतिक्रमण करून साहित्य ठेवले आहे.सोयाबीन हंगामात या वर्गखोल्यांचा उपयोग मजुरांच्या मुक्कामासाठी केला जातो,अशी माहिती ग्रामस्थांनी दिली.ग्रामस्थांच्या म्हणण्यानुसार,शाळेची नवीन इमारत उपलब्ध असूनही शाळा स्थलांतर केली जात नसल्यामुळे मुलांच्या सुरक्षेचा प्रश्न निर्माण झाला आहे. ग्रामस्थांनी यासंदर्भात प्रशासनाकडे तक्रारी करूनही अद्याप कोणतीही ठोस कारवाई झालेली नाही. विद्यार्थ्यांच्या सुरक्षिततेच्या दृष्टीने शाळेचे तातडीने नवीन इमारतीत स्थलांतर करावे आणि मुलांच्या जिवाशी होणारा संभाव्य खेळ थांबवण्याची मागणी गावकऱ्यांकडून केली जात आहे. बाईट:मीना भोणे,जि.प सदस्य कामरगाव बाईट:धनराज उंटवाल, पालक कामरगाव